Finance Workshop leh Outreach Orientation

 

Aizawl; Chhandamna Sipai Pawl, India Eastern Territory chuan September 13-15, 2018 chhung khan Finance Worshop chu National Secretariat Kolkata buatsaih-in Booth Mansion Conference Hall, Territorial Headquarters ah an nei.

Worshop hi Finance lama thiamna nei tawh leh thawk mekte tihhmasawnna atana National Secretariat-in a buatsaih a ni a, thlan chhuah mi 25 an tel a ni.

Workshop hi Lieut-Colonel Lalbulliana, Secretary for Business Administration-in kaihruaiin Major Y.Manoharan, HRDI Secretary, National Secretariat, Major K.Vanlalsawmthanga, Auditor, India Eastern Territory leh Major Vijay Kumar, Auditor, India Central Territory ten an zirtir.

Commissioner Lalzamlova, TC chuan hun hawnna leh hlanna hun  hmangin, “Sipai Pawlin sum enkawlna chungchangah khawvel a thang a, hma a sawn zel rualin chumi umpha tur chuan ruahmanna thar siam chhoh zel a ni a. Kan Pathian hi thil thar siam thin a nih angin kan rawngbawlnaah pawh hian thil thar tha zawk kan ngaihtuah chhuaha hma kan lak ve zel a ngai,” a ti a. Chumi atan chuan International Headquarters-in International Finance & Accounting Software, khawvel puma hman tur a siam chhuak tih sawiin India ram kilkhawr ber thleng pawhin thiama hman vek a tul tih a sawi.

Hetih mek lai hian Territorial Headquarters-a Outreach Mission Board buatsaihin Outreach Worker lak tharte puala buatsaih ni hnih awh, Outreach Workers Orientation chu September 13-14, 2018 khan Aizawl Temple YP Hall Annexe-ah Major C.Dawngliana, Outrach & Evangelism Secretary kaihhruainain neih a ni.

Orientation-ah hian Commissioner Lalzamlova, TC; Commissioner Nu-i, TPWM; Lieut- Colonel John Kumar Dasari, CS; Lieut-Colonel Vanlalthanga, SPA; Lieut-Colonel Lalbulliana, SBA; Lieut-Colonel Zothanmawia, SPA; PL.Thanga, PFS; Rosangzuala Ralte, CSM leh Remlalnghaka, CSM ten an zirtir a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?