Aizawl; Christian Hospital Serkawn, School of Nursing chuan Nilaini chawhnu khan Nursing School, Christian Hospital, Serkawn Auditorium-ah Graduation Ceremony leh Capping & Lamp Lighting Ceremony an hmang a, Minister C.Lalrinsanga’n a hmanpui.

 

Inkhawm hi Upa Dr. B.Laldinliana, Medical Superintendent, Christian Hospital-in a kaihruai a, Rev. ZD Lalrozuala, CHS Chaplain-in devotion hun a hmang a, Vanlalthlengliani, Principal, School of Nursing Serkawn-in graduate-te hmelhriattirna leh report pein, T.Rozami, Principal, School of Nursing Lungleiin zirlai tharte tana ‘Capping & Lamp Lighting’ hi a kaihruai a. Graduate tharten rinawmna thu an tiam bawk.

 

Khuallian, C.Lalrinsanga, Minister leh BCM aiawh, General Secretary Rev. F.Rmdinmawia bakah graduate-te aiawh thusawi ngaihthlak a ni bawk.

 

Rev. R.Zohmingliana, AGS i/c Service-in zirlai tithate hnena lawmman buatsaih hrang hrang a sem bawk a. Tun tumah hian GNM graduate 17 an awm a, zirlai lut thar 20-te lukhum khumtir an ni bawk.

Zirlai titha chawimawite:
Biaklianzuali Award – H. Lalhmangaihzuali d/o H.Jonathan, Ramzotlang Serkawn
Best Graduate 2018 – C.Vanlalkimi d/o C.Zonunsanga, Bazar Veng, Lunglei

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.