GSDP sang tih fo mai hi inbumna a ni – Duhoma

Aizawl: Kum 2018 MLA inthlanpui lo awm tura Zoram Peoples Movement (Tangrual Pawl) Chief Ministerial Candidate Lalduhoma chuan, “Mizoram sawrkarin kan GSDP leh Per Capita Income lo sang ta chhuang taka a tlangaupui hi thil zahthlak leh mahni leh mahni inbumna mai a ni,” a ti.

Nimin khan Aizawl Press Club-ah Press mite kawmin Lalduhoma chuan 15th Finance Commission Chairman NK Singh-in rawtna thehlut ve tura a sawmna anga rawtna a thehluh chungchang a sawi a. India hi Five Year Plan-a kal a nih avangin Finance Commission hian state leh UT-ten kum 5 chhunga central atanga sum an hmuh tur zat hi kum 5 dan zelah a ruahman a, 15th Finance Commisson hian kum 2010-2025 thleng kan dawn tur a ruahman mek a, chuta tan chuan rawtna May 9, 2018 khan a thehlut tih a sawi.

“Kumina Mizoram budget vbc. 9672.64 pawh hi state dang municipal corporation budget nen khaikhin tham lek a ni,” tiin Mizoram puala dah tam bik turin ZPM chuan an ngen tih a sawi a. Finance Commission-ah hian rawtna point 23 a thehlut tih a sawi a, chhiah insem danah tuna 42% state chan tura sah hi chhunzawm zel ni se, sum dawn zat tur hi ram zau leh mihring tam lam hisapa chuan kan dawng tam thei lo a, hetiang tehna  hmanga mi hrut rual lo tur leh ram zau zawngah floor limit 2% chhunzawm tur leh mihring tlemna pawhin floor limit 1% siamsak ve turin a ngen tih a sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?