Guv leh Belgium palai inkawm

Aizawl: Belgium Ambassador Jan Luykx chuan Zirtawp zan khan Mizoram Governor Lt. Gen. Nirbhay Sharma chu a chenna Raj Bhavan-ah hmuin inkawmna hun an hmang.

Governor chuan Ambassador Jan Luykx chu Mizoram dinhmun leh sawrkar hmalakna hrang hrangte a sawipui a. Himalaya tlangrama cheng mipuite chu thingtlang atangin khawpui lamah eizawnna tha zawk zawngin an pem lut zel tih sawiin, khawpuia hmanrua (resource)-in a daih dawn loh avangin, urbanisation kawnga sulsutu Belgium ram thiamna leh puihna an mamawh thu a sawi a. Aizawl chu smart city-a siam turin traffic management leh mipui himna lama an tawnhriatte an tangkaipui theih a rin thu a sawi bawk.

Jan Luykx chuan Aizawl chu khawpui fai tak a nih thu leh khawpui lian taka awm ang maia a inngaih thu a sawi a. Mipuite mikhual laka an that thu sawiin, tourism atan potential a neih that thu a sawi a. Tun aiin hmasawnna ruhrel tihchangtlun theih se khualzinte tlawh duh hmun pawimawh tak a nih theih thu a sawi bawk a ni.

Belgium Ambassador hian hmarchhak biala ramte tlawh chhuah tumin Manipur leh Nagaland te a tlawh tawh a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?