Health & Hospital Sunday

Aizawl; Vawiin hi Mizoram Synod Health Sunday & Hospital Sunday (Damdawi In Pathianni) a ni a, he ni pual hian Kohhran tinah hun hman a ni ang.

Mizoram Presbyterian Kohhran chuan Hospital Sunday hi kum 1928 atang khan a hmang tan a, kum 1981 atang khan July Pathianni hmasa ber hi ni bik atan hman a ni ta a ni. Kum 1985 Synod Inkhawmpui thu angin 1988 atang khan January Pathianni hnuhnung berah Phâr Pathianni (Leprosy Sunday) hman thin a ni a (Gen. 27). Kum 2004 Synod chuan phâr pual chauh ni lovin natna dangte pawh huamin ‘Health Sunday’ tiin a thlâk ta a (Gen. 3). Kum 2006 atang khân Health Sunday hi hman tan a ni.

January thlaa hman hian Bial KTP Conference nen a inrual châng a awm avângin February Pathianni vawi thumnaah hman thin a ni ta a.

Kum 2015 khan Ruih theih thil leh a nghawng tha lote zirho a ni a, kum 2016-ah Zunthlum leh Thisensâng zir ho a ni leh a, kum 2017-ah Kala lungte awm (Kidney Stone) tih zirho a ni leh a, kumin 2018 hian “Zu leh a kaihhnawih” tih zir a ni ang.

Kum 2008 Synod-in Health Sunday leh Hospital Sunday hi Pathianni vawi khatah a ruala hman ni se, tia a rel (Gen. 67) angin kum 2010 atang khan Health Sunday leh Hospital Sunday hi a rualin ni khatah hman tan a ni ta a ni.

Kumin 2018 hian Health Sunday pualin chawhnu hun hman a ni ang a. Zan hun chu Hospital Sunday puala hman a ni thung ang a, thilpek lakkhawm a ni ang.

Tun dinhmuna Synod Hospital, Durtlang-a thawktu doctor 40, Nursing Staff & sister 215, Nursing School tutor 12, Para Medical Staff 28 leh General Staff 126 nen an vaiin mi 422 an thawk mek a. Damdawi Inah khum 355 a awm bawk.&&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?