Hmeichhe hna nei lo workshop zo

Aizawl: UGC leh Mizoram University tangkawp ten kar khat awh ‘Workshop on Entrepreneurship Development for Educated Unemployed Women, Research Scholars and PG students,’ an neih chu Zirtawpni khan khar a ni.

Workshop kharna inkhawma khuallian AH & Vety Minister C. Ngunlianchunga chuan NEDP hnuaiah entrepreneurship development ngaih pawimawh a nih thu sawiin tih tak zeta hma laa dinchhuah tumte tanpui chu a tum bulpui ber pakhat a nih thu a sawi a. Minister chuan thawk lova hausak tum chu hmasawnna daltu a nih thu sawiin thawhrimna leh teirei peihna tel lo chuan hlawhtlinna tak tak a awm thei lo a ti a. Mizo thalaite an kalna kawng tur thlang fela, mahni kawng theuhah rinawm leh thahnemngai taka thawk turin a chah bawk. Khualzahawm Cooperation Minister Vanlalawmpuii Chawngthu pawhin thu sawiin Mizo hmeichhiaten nasa taka hma an sawn zel c
hu lawmawm a tih thu leh hma lam pan zel tura inzirtirna a pawimawh thu a sawi a. Mahni kutkawih ngeia ding chhuak turin inzirtirna neih nasat a tul thu sawiin mahni kutkawih ngeia ding chhuaka hmasawn duhte tan NEDP hnuaiah kawng a inhawng a ti bawk.

Workshop kharna hun hi Prof Lalneihzovi, Department of Public Administration leh Honorary Director, Women’s Studies Centre, MZU chuan a kaihruai a, MZU Registrar C.Zothankhuma IDAS hnen atangin thusawi ngaihthlak niin workshop-a telte hnenah certificate hlanna hun hman nghal a ni. Workshop-ah hian mi thiam hrang hrang te sawmin zirna leh sawihona hun neih a ni.&&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?