Hmeichhe hruaitute training

Aizawl; Mizoram Synod hnuaia Central Kohhran Hmeichhe Committee member-te pualin Leadership Training & Retreat chu Nilaini zan leh Ningani nileng khan Synod Conference Centre-ah neih a ni.

Nilaini zanah hian Sermon Inkhawm neih a ni a, Rev. Lianhmingthanga Sailo, Synod Secretary (Sr.)-in thuchah a sawi a, tawngtairualna hun hman a ni bawk. Inkhawm banah hian inhmelhriattirna leh sharing hun hman zui a ni.

Ningani khan zing karah Rev. P.C.Pachhunga, Executive Secretary i/c Kohhran Hmeichhiain hmanpuiin thuchah a sawi a, chawhma lamah Pi H.Lalpianthangi, Central Kohhran Hmeichhe Secretary hovin ‘Central Committee-te rawngbawl dan kalphung inhriattirna leh sawihona’ neih a ni a, chawhnu lamah Upa R.Lalmalsawma, PRESCOM Manager hovin ‘Leadership Training & Sawihona’ neih leh a ni a, zanah ‘Sum Vawn Dan’ tih thupui Tv. Zaihmingthanga, Accountant, Synod Office-in a zirpui bawk.

Kohhran Hmeichhia Central Committee hian kum 1993 atang khan term thar apiangin Leadership Training leh Retreat hi an nei thin a. Kum 2017-2019 hruaitute pualin tun tumah hian an nei ve leh a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?