Hnuchham inah Advance Christmas

Hnuchham inah Advance ChristmasAizawl; Salvation Army enkawl, Motherless Babies Home, THQ Complex chuan kum 65 an tlinna leh vawiin thlenga tanpuina petute avanga Pathian hnena lawmthu sawina leh Advance Christmas chu Zirtawpni khan Booth Mansion Conference Hall -ah an hmang.

He hun hi Captain Lalmuanpuii Sailo, Superintendent-in kaihruaiin Lieut-Colonel John Kumar, Chief Secretary-in hunserh a hmang a, Lieut-Colonel Zothanmawia, SPA, Chairman, Home Management Board-in chibai bukna leh inhmel hriatna hun a hmang thung. Commissioner Lalzamlova, Territorial Commander leh  Pu PC.Zoramsangliana, ACSM  ten thuchah leh duhsakna thu an sawi bawk.

He hunah hian Babies Home-a awm mek naupangten item tha tak tak neiin  Esther Lalrinhlui  leh Candidate  VL. Chhanchhuahi ten Motherless Babies Home puala hla phuah, “Zawlkhaw laivawng”  tih leh “Hrinhniang hraichawite” tih hla te an sak bakah H.Vanlalhlimpuii chuan Krismas hla leh Pathian fakna hla dangte a sa bawk.

Thanksgiving & Advance Christmas-ah hian Motherless Babies Home-a regular-a donation pe thintu te, Territorial Headquarters Staff, District Child Protection Office-a thawk te leh mi hrang hrang sawm bikte an tel a ni. Hun tawpah  Pu Ch.Lalngaihawma, Management Board Member chuan lawmthu sawina neiin Commissioner Nu-i, TPWM chuan malsawm tawngtainain a tin a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?