Hornbill International Rock Contest 2017 ah AVORA RECORDS

Mizo band te lo chet that fo tawhna Hornbill International Rock Contest-ah Mizoram hmingthatna tur a awm leh ta. Hornbill International Rock Contest 2017-ah Mizo band pahnih — AVORA RECORDS leh THE PROPHETS — te chuan lawmman sang ber pahnih an rawn hawn a. Mimal chawimawina pawh an rawn hawn nual.Mizo band te lo chet that fo tawhna Hornbill International Rock Contest-ah Mizoram hmingthatna tur a awm leh ta. Hornbill International Rock Contest 2017-ah Mizo band pahnih — AVORA RECORDS leh THE PROPHETS — te chuan lawmman sang ber pahnih an rawn hawn a. Mimal chawimawina pawh an rawn hawn nual.

Nagaland-a neih zawh tak, Hornbill International Rock Contest 2017-ah hian AVORA RECORDS chuan pakhatna lawmman an dawng a. Mizo band tho — The Prophets — pawhin pahnihna lawmman an dawng a. Pakhatna hian cheng nuai 10 a keng tel a, pahnihnain cheng nuai nga (5) a keng tel bawk. Sikkim band tha Perfect Stick Figure Illustrations chu pathumna niin, cheng nuai 3.5 an dawng thung.

Mizo band pahnih atang hian mimal lawmman an sem pawh an rawn hui deuh vek a. Best Drummer award tih loh chu an dawng vek a ni. The Prophets vocalist Ronnie chuan Best Vocalist lawmman a dawng a, an bassist Gordon chuan Best Bassist lawmman a dawng ve bawk. Avora Records band member pahnih — Ruata Renthlei chuan Best Guitarist lawmman a dawng ve thung. Best Drummer erawh Jharkhand band — Raj Swami of Highway 69 drummer Maverick John kutah an hlan thung.

Kumin Hornbill International Rock Contest-ah hian India ram bakah foreign atanga band tha tak tak an inel a. Stage hmasa berah intihsiaknaa tel tuma demo, video in live-a an play lai thehlut band 100 vel an awm a. Chuta tangin band 24 chu thlang chhuakin, ni thum chhungin preliminary round an hmachhawn leh a. Prelims atangin band pakua (9) an thlang leh a. He’ng band te hian grand finale hmachhawn lehin an intihsiak leh a ni.

Grand Finale ah hian – Avora Records (Aizawl), Genre- Pop Rock; The Prophets (Aizawl), Genre – Progressive Metal; Highway 69 (Ranchi), Genre- Dead Metal; Perfect Stick Figure Illustrations (Gangtok), Genre- Alternative; Doodles (Kalimpong), Genre – Funk Rock; Fluff Paradox (New Delhi), Genre- Dead Metal; Mount Groove (Darjeeling), Genre- Contemporary Jazz; Radio City (Kohima), Genre- Alternative leh Yellow Beacon (Dimapur), Genre- Alternative — te chu judge — Uday Benegal (Indus Creed Frontman), Soumini Sridhara Paul (Vice-president, Hungama Digital Media Entertainment Pvt. Ltd) leh Mhaseve Tetseo ( Guitarist Tetseo Sisters, Rattle & Hum band) te endikna hnuaiah an intihsiak a ni.

Avora Recrods guitarist Lalkhawsiama Hmar chuan, “Hornbill rock fest-ah hian ‘politics’ a inrawlh zauh chang a awm thin a. Hei hi keini paw’n hre sa ranin kan kal a. Engkim chan huamin kan kal a ni ber,” tia sawiin, “Pakhatna kan nih hi inbeisei ru tho nain, kan inring chiang ngam lo a. Mizo band pahnih hi top 3-ah min dah kan ring lo hrim hrim bawk,” tiin Thalai Khawvel a hrilh a.
“Kan lawm lutuk, kan inringlo. Tun thlengin ka la awih thei lo,” tiin Avora Records guitarist chuan a sawi bawk.

Grand Finale-ah hian mipui 5000 vel an pungkhawm a. Hemi chungchang sawi lehin, “Crowd play pawh a nuam khawp mai. Aizawl-ah hetiang hi kan la ‘expi’ ngai lo. Crowd khan min tan tawp bawk a,” tiin Lalkhawsiama Hmar chuan a sawi bawk a ni.
Avora Records hian Hornbill International Rock Fest 2017-a pakhatna lawmman hi Mizoram-ah an rawn la hawn lawk dawn lo. Tunah hian Arunachal Pradesh lamah show nei turin an kal leh nghal a. December ni 18 bawr vela rawn haw tumin ruahmanna an siam a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?