Human Trafficking inrawnkhawmna

Aizawl; Salvation Army: India Eastern Territory CHAN (Community Health Action Network) chuan Zirtawpni khan mihring hmanga sumdawnna beihna atana inrawnkhawmna, State-Wise Consultation Meeting on Human Trafficking an buatsaih a, Chief Minister Lal Thanhawla’n a hmanpui.

 

Chief Minister chuan, “Sorkar pawhin heng thil do kawngah hian hma lain nasa taka a thawh thin rualin tlawmngai pawl leh vangtlang ang zawng pawha tangrual taka heng sualna hi kan do ho a tul a ni,” a ti a. Mihring hmanga sumdawnna chu ram hmelma lian tak leh a do kawngah pawh tanrual ngai thil a nih thu sawiin, “Retheihna te, awlai zawka sum hmuh duh avang te, thil chinchang hriat loh leh vanduaina hrang hrang avangin mihring hmanga sumdawnna a lut ta leh mahni laina hnai pawh hralh an awm thin,” a ti a, Mizoram pawh he sualna lakah hian a him loh thu a sawi.

 

Inrawnkhawmna hi Major Lalliankunga, Project Director, CHAN-AHT (IET)-in kaihruaiin mi thiam sawm bikte nen sawiho a ni.

 

Kum 2005 atang khan Mizoramah Human Trafficking do letna hna hi tan tawh a ni a. ‘India Eastern Territory Anti-Human Trafficking Project’ hi kum 2009 khan siam a ni a. Project hi UK Territory Salvation Army nen tangkawpin, Phase I-ah hmarchhak state-a thlan bik – Moreh, Imphal, Churachandpur, Shillong, Guwahati, Siliguri, Fatapukur, Darjeeling, Kalimpong leh Namchi-ah te hma lak tan a ni a. Phase II kalpui mekah Mizoram district thenkhat leh Assam leh West Bengal huamin ram pawnah pawh he hmalakna hnuaiah hian chhanchhuah hna thawka kal thin a ni. State pawna NGO-te nen indawra hmalak thin a nih bakah Impulse NGO te nen tawngkawpin chhanchhuah hna thawhna kawngah awlsam zawka Myanmar leh Bangladesh-a thawhpuite nen inbiakna tur hman mai Communication software siam a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?