India rama Taekwondo League hmasaber TFL buatsaih dawn

India rama a vawi khat nan Taekwondo hmanga League hmasaber tur Taekwondo Fight League (TFL) chu neih a ni dawn a, hemi buaipui tur hian Organising Committee pawh siam fel a ni.

TFL atan hian nimin22.10.2016 (Inrinni) khan Mizoram State Olympic Association Conference Hall-ah MATA chuan chuan an hnuaia club tha zual te kokhawmin TFL sawizauna leh hrilhfiahna hun an hmang nghal.

He intihsiakna hi team 8 inelna tur niin Fight League-ah hian Player 5 leh substitute 3 an awm ang a. World Taekwondo Federation Rules angin khelh a ni ang a. Tuna fight kalpui thin ang a, in-mal beih inelna ang nilovin Round 3 chhungin leh lam leh lama player 5 te an inhmachhawn dawn a, substitude te nen an inthlak kual zung zung thei dawn bawk, fight rang leh action tam tak tak kan hmu thei dawn a ni. Match tin te hi thlirtu lam tana hmuhnawm tak tura duan a ni.

TFL atan hian ruahmanna pawh fel taka siam a ni a, team riat (8) te tana player lilam tur mi 16 pawh chhawpchhuah nghal an ni a. Heng player te hi team 8 ten an inchuh ang a, a chhang huai huai ten an chang ang. Tin, Player lilam loh ranking player 48 te pawh base price siamin chhawp chhuah a ni dawn bawk. Player dang zawng te chu free transfer in club te an zawm thei dawn a ni.

TFL hi November ni 15 atanga tanin December ni 6 thleng khelh ani ang a, Thawhleh zan leh Zirtawp zanah te khelh thin a ni ang. Fight League khuhhawnna meeting hi MATA President Dr.Rualkhuma Colney in a kaihruai a, MATA General Secretary leh Organising Secretary Pu Joseph Thansanga leh TFL Consultant Pu B.Vanlalhruaia ten League kalpui dan tur a sawifiahna an nei. TFL team tel turte chu October ni 28, 2016 hian puan ni ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?