India sorkar hian hleihneiin a mite en tur a ni em?

– Lalchhunga

Kan hriat theuh angin India ram zau tak, mihring pawh tam tak, ramah Zofate kan cheng ve a, mahni roinrela ram dang hnam dang tumah tlawhpawh lo va, kan ram neihchhun te hi, lo luahlum ve thin kan ni a. Nimahsela kum 1891 kumah chuan Alexandrapore thingpui huan chu zu runin sap Dr Winchester leh kuli tam tak an thata sap naupang Mary Winchester chu an mansak ta daih mai a ni.

Kum 1897 kum tawp lamah chuan chhanchhuak turin Mizoram vailen hmasa kan tih chu a lo thleng ta a ni. Hetiang hian British sawrkar leh kan ram hruaitute chuan Remna saui tan in tlawnglui a leh luan hma loh chuan ding nghet turin chhia an chham dun a ni. Hetiang avang hian British thla zar hnuaiah kan lo awm ta a ni.

Kum 1946 lai vel chuan british sawrkarin ram hrang hrang awp khawmte chu independent pek a tum tawh avangin, Zofate pawh duhthlang thei dinhmun ah kan din avangin thenkhatin Burma sawrkar belh an duh a, thenkhatin british sawrkar belh an duh a, thenkhatin India sawrkar belh an duh a, a tam zawk duhthlannain India sawrkarah kan inchhung lut ta a ni.

INDIA SAWRKAR HIAN KHUA LEH TUI AH MIN NGAI CHIAH EM? India sawrkar hi tawngpawng dem ngawt thei kan ni lo,dik tak chuan sakhua na lam a inpersan tak ui leh kel thlun pawlh an swi ang mai kan ni a,thlahtute lamah chuan inpersan tak mai kan lo ni bawk si a,hetiang avang hian India sawrkara kan huntawng chu hetiang hi a lo ni ta.

Kum 1960-ah chuan mau a lo tam ta a, Central sawrkara fawng chelhtute chu Congress party an ni a, Mizo Union hruaitute chuan kan tam min ngaihtuah loh em avangin an mangang chu April 2, 1960-ah chuan Aizawlah vantlang inkhawm ropui tak mai an nei a, an thutlukna chu hei hi a ni District council day April 25 niin mahni khua theuhah kawng zawhna awm sela, kan au rualna atan chuan Congress sawrkar kan duh lo kan ram min enkawl theitu sawrkar dang kan duh tih nise la an ti a.

Mizo Union party chuan humsual an dai tih chu an chhungril nunah chuan an hai hauh lo ang le.Hetiang avang hian Indian sawrkarah ram leilung fate hi kan lungawi loh em avangin M.N.F. party a lo ding ta a, mipui pawhin namen lovin kan bawh chho ta reng a ni.

Hetiang boruak sangtak avang hian kan ram chu rambuai a lo ni ta der mai a, India sawrkar chuan hmelma vek en in min en a nih hi tih turin Zofate min rawn nuai ta tak tak a, Mizoram khawpui ber Aizawl chu a rawn bei ta chiam chiam mai a, kan hmeichhiate an duh duh an rawn pawngsual a,an duh duh an thatin an duh duh thi chhawnga na khawpin an nghaisa a, Zofate chuan chhantu reng reng kan nei lo.

Kan buh leh bal in leh lo min halsak chu nuam an tih zawng tak a ni.. min khalhkhawm a, khawsak a harsat phah em em a, mi tuamhlawm zui reng reng an tum lo, Japan leh British an indo lai khan British sipaite leh U.S.A. sipaite chuan Japan mipui nunau riltam leh mangang tak takte chu an khawngaih em em a, an ei ai, an in aite pawh an pe duh hial a.

Hetiang ang bawk hian U.S.A. sawrkarin Iraq sawrkar a beih tum khan SADDAM HUSSAIN chu haw hle mah sela mipui nu nau te chu eitur bar tur tinrengin a tuam hlawm a ni. British sawrkar leh japan an in beih tum pawh khan Burma ram chu rawn lain, Rangoon te chu chhu chhe hle mah sela India sawrkarin min nuai an gem em chuan an ral do mipui nu nau te lakah an khawsa ngai lo. Prime Minister pakhatin mihring ka duh lo ram a lawm ka duh tih khum tawk lek kan ni a,mipakhat thuziak phei chuan Mizo Union India sawrkara min hnukluttu party President leh Assam sawrkar M.L.A. ni lai Pu Ch Chhunga in pawh ama awm lai ngeia halsak a ni tih ziak a ni.

HETIANG KAN NI CHUNG PAWHA A INDIA THEI ANG BERA MIN HNUH LUH TUM KAN RAM HRUAITUPA HI RAM DANG HNAM DANG MITE CHUAN AN NGAI ROPUI LO KHAWP ANG LE! Kan thlang lawk Tripura sawrkar pawh khu tun hma chuan an Maharaja in leh lo benbel danah khuan Mizo lal te ai chuan an changkang zawk a nih hi tih loh theih a ni lo a; nimahsela, Bangladesh lam atangin Bengali an lo lut chho vak vak a India sawrkarin a ram mite humhalh tum hek lo, sumdawnna kawngah reilo teah an rawn rap bet ta mai a. Hun a kal zel a, sawrkarnaah pawh rahbehin an lo awm ta.
Bangladesh C.M hial an lo nei ta,a C.M chu tha in fel viau mahsela Bangladesh atangin vai an lo lut chho hum hum renga a ram neitu dik tak tan chuan an C.M. in an lu chungah meiling a chhekkhawl tih mai tur ani.

Kan ram ngei pawh hi India sawrkar hian Chakma leh tuikuk leh vaiho hmangin min bei mek tih theih a ni. Chakma chu namen lovin an pung thur thur a, an thil tum leh hmalakna tihthuanawp tumin tlawmngai pawlten bei ngial thin mah sela Pu Hawla mitnaute khawih ang mai an ni a,central sawrkar lam pawhin hma a lakpui a nih hi tih mai turin hetiang hi thil awm dan a ni. Pu Lianhrima Hauhnar chuan Tlabunga a awm lai chuan foreigner roll a khung lo turin a ti a, Tlabung congress party hruaitute Mizo leh chakma leh vai te chuan Prime Minister hnenah an heka a rang a ranga Governor Saikia a hmuh thu leh sawn chhuaha a awm vat thu thuziak atanga hmuh a ni. Central sawrkr hian kawng tam takah chuan Mizoram sawrkar aiin Mizoram hmasawnna an ngai pawimawh zawk a nih hi tih tur ani.

Nimahsela, Tripura ram neitu rahbeha an awm ang khuan vai leh Takam leh Tuikuk hmangin min rahbeh an tum a nih hi tih tur a ni a. Chakma chuan an thil beisei tih hlawhtlin nan tam an mamawh a, hma namen lovin an la a, Central sawrkar pawhin a hmalak phung ni tlatin a hriata chutih lai chuan Pu hawla lah hnam tan a menglo a nih hi tih mai tur a ni bawk si.
Tun hnai maiah pawh khan chanchinbuah Governor chuan hnam dang sumdawng duhthawh viau awm ang khan tarlan a ni a.Chumai chu a ni lova Assam C.M.. Pawhin Pu Thanhawla hnen ah hnam dang sumdawng thlavang lo hauh turin thu rawn a rawn pe tih a ni a.

Rambuai lai khan Pu Hrangchhuana chuan Silcharah dawr a zuk buatsaih ve mai a, tuman an lei duh lovin an dawr loh nan duty-te an in siam hial a, chutiang khawp chu an nih avangin Silchar-ah khuan Zofate tan dawr neih ngaihna a awm reng reng lo. Chutiang chu vai an dinhmun a nih laiin keini ve chu saphoin dan tha tak hmangin min lo hung khip khep mah sela ram leh hnam hmakhua ngai a vawn nun tum lova hnam ral pawh pawi ti miah lova a India thei ang bera min rah behtir tum kan Politician-te hi an ni tih mai tur a ni.

RAMA BUAIA INDIA SAWRKARIN KHATIANG KHAWP KHAN MIN EN A,MIPUITE MIN ENKAWLLO MAI ANI LOVA KAN BUH LEH BAL IN LEH BIAKIN LAMIN MIN HALSAKA
FOREIGNER CHAKMA HETIANG KHAWPA AN THLAVANG AN HAUHA
TUIKUK AN DUHTHU NGEIA MIZORAM TLAN CHHUAHSANTUTE HETIANG KHAWPA AN ENKAWL SI HIAN – INDIA SAWRKAR HIAN MIN EN DANAH HIAN HLEIH NEIH TAKIN MIN EN HLAWM TIH LOH THEIH A NI LO.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?