Inthlan pualin MTKP tawngtai dawn

Aizawl; Mizoram Baptish Kohhran thalai pawl, Thalai Kristian Pawl (MTKP) chuan Nilaini khan BCM Peniel Kohhran Biak In, Hnahthialah Rorel Vawi 64-na an nei a, kumina Mizrama MLA inthlan lo awm tur pualin TKP?Day-ah tawngtairual ni se tiin an rel.

MTKP Rorel hi President Rev. JC Vanlalluaia’n a kaihruai a, BCM general secretary Rev. F Ramdinmawia’n hun­serh a hmang a; rorel palai 463 an tel a. Kumin MLA inthlan awm turah ram hmangaihtu dik tak thlan chhuah a nih theih nan unit tinah a huhoin TKP Day 2018-ah tawngtairual neih turin an rel a ni.

MTKP Inkhawmpui thlengtu puihna, member tina Rs. 10 an khawn \hin chu Rs. 20-a khawn tawh ni se an ti a. BCM thalaite leh zirlai naupang zawkte tan career guidance kalpui tura hmalak an rel bawk.

BCM Fellowship Organization department-in MTKP budget ceiling a siamsak Rs. Nuai 10 chu kum 2018 budget atan an pawm bawk. TKP hian pastor bial 84-ah unit 415 a nei a; member 45,058 awmin, mipa 27,900 leh hmeichhia 17,158 an ni. Kum 2017 chhung khan kohhran dan puitlinga innei tuak 349 an awm a, member thi 122 an awm.

Report-a a lan danin, Mizoram State AIDS Control Society hmalaknain Mizoram thalaite HIV laka an him a, thisen thianghlim hman tlak neia regular taka thisen petu an pun zel theih nan ‘Heroes Campaign’ an kalpui a ni a. Mihringa sumdawnna (human trafficking) chungchang leh ruihhlo that lohzia inzirtirna an buatsaih a, BCM Assembly thu bawhzuiin fa neih tam inzirtirna an kalpui bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?