Ka Huang (Feb 12, 2017)

Assam Regiment ah 17-4-1945 ah san lam, len lem leh kumah pawh a enga maha tling loin ka in enroll ka tih tawh kha. Clerk lam zawm ka nih avangin clerical line lamah chuan ka lo ziaawm phian em ni teh reng, exam awm zawng zawng chu ka pass fai ta vek mai si a, Pass takah si chuan Havilder clerk ka kai a \ul ta si, mahse sipai puitling pawh ka la ni phak si lo. Sinaiah puitling ni tur chuan Oath (Khosom) la a intiam a ngai tlat mai si. June thla tawp lam deuhah recruit eng emaw zat oath la tur an awm a, chu mi zingah chuan min va tlartir ve chawt chawt a, a thu hre miah loin ka va tling tla ve ta ngawt mai, tichuan 1-7-1945 (ka in-enroll a\anga thla 2 leh ni 13-ah chuan Havilder bel ve ta vang mai, Clerk kan nih avangin bel 3 chungah chuan C tih hi kan bel tel. Havilder clerk ka nih hnu pawh chuan Family Allotment branchah tho chuan ka awm a, Record Officer Lt. Jibeswr Chetia (Assamese) khan hna thawk peih min ti a niang, min chhuah phal lo reng reng. 3rd Battalion an din pawh khan kei chu min chhuah phal lo a lo ni tang, ka thian Ngurkhuma chu 3rd Bn. ah an sawn ta mai. Kei chu a ngai ngatah ka bet mai.

Chuti laia Assam Regiment Training Centre Head Clerk chu Sub. Gaya Prasad Sharma, upa tak cher chhe zet mai hi a awm a, an sawi hmang chuan mawngkaw hur a ni a, a ti duh bawka, a dawh duh bawk an ti,  Clerical 3rd grade ka pass hlim te, Oath ka lak hma, bel pawh ka bel hma si khan, Telephone duty (office ban a\anga a tuk office leh thleng) ka ni a, Hav. Clerk Zama nen, Zama lokal hma, office ban tawh si hian ka lo dduty a, ni pawh a la tla lo. Sub. Hd. clerk chu a lokal a, ka mawng a rawn kawm a, ka tlan chhia a, min um a, dawhkan kan tlan kual a, “I am a christian, sir, I don’t like this type of character tih pahin kan tlan kual a, ka mangang khawp mai a, ka grade tir ang che te min tia, keiin ka pass vek tawh ti chungin ka tlangkuala, Vanneihthlak deuh maiin Mizo, tu emaw (hming thup) a lokal nawlh maia, rum inkhilai ah an insawm thlu ta a, Sub. Hd Clerk quarter lamah chuan an chhuk ta a- kha eng tak ti maw??? Ka lawm teh a sin.

Sub. Hd. Clerk a chhuah hnu chuan Jem. Hd Clerk Mansanglianan a rawn thlak a. Kha Basic English Exama 60% mark hmu lo chu.. tih kha an waive ta em ni teh reng ka \hian te pawh chu an rawn kaisan tir ta a. Tichuan Barik khatah Havilder hlir kan awm ta mai a, Barik duty hi an bahrik a mi zel kha an duty-tir \hin a nia, keini chu Havilder hlir kan ni ta \huau mai sia, chuti chung chuan min duty tir a tum ve ta tlat mai a, nasa takin kan hnial a. U Sanghina nam deuh phei chuan Barik sentry ah ka ding loang, ka engmah hi a ding lo ang a ti, U Ngena te’n Bah, Sagi, i eng emaw chu a ding chek ang a, an han ti fiama, “Awle ka zang chuan din chang a nei ang, mahse bahrik duty chuan a ding lo ang a han ti leh a kan nui ham ham mai. Battalion Order Part I-ah an chhuah ta sia, din loh theih a ni dawn ta lo. Zan hmasa berah Ngurkhuma a duty hmasa ber anga, ka dawt, min dawt leh tu Lalliana emaw a ni tain ka hria. Kan senior clerk te chuan tumah pass pek loh tur an ti bur mai.

Ngurkhuma chu zan dar 9 thlenga duty a ni, ka dawt a. Dar 9-ah ka thlak a, talhtum nen, bahrik chu kan hel a. Rin ang ngeiin Kan Hd. Clerk Mansangliana chu a lokal a, kan halt chat mai a, Friend a’n ti ve bawka Hre lo ang hrimin ka pel a, a ding chat mai. Barik ka va kual leh chuan a in la ding a, a thin hi a rim khawp a, “Isia Khrista hmingin pass min pe ta cheeee” a ti vawng vawng a, ngawi rengin ka kualsan leh ta a, ka va kal leh chuan a awm ta lo. Kei pawhin ka dawta sentry tur chu kaitho loin ka mu hmak mai a, a tuk zinga ka’n sawi chu kan senior te an lawm hle. Chuta \ang chuan Bahrik sentry sawi thawm a awm ta lo.

Ngurkhuma pawh chu Havilder Clerk a rawn ni ve ve ta bawk a, kan la naupang si, Cinema en hi kan uar em em khawp a, Rs 70/- vel kan thla tin hlawh a\angin chhungte Rs 10/- kan thawn ve khang lang bawk si. (Chhiartu khatih lai, 1945 khan Rs 67/- ka hlawh a, a tlem emaw ti suh. Cinema en man 3rd class siki a nia, Rs 1/- in vawi li ka en thei) Note bu te kan nei ve ve a, a film hming, Starring, a \hat chuan a senin rin hnih kan rin \hin. A chang chuan Telephone duty te kan contract dun vel mawle! Cinema en nan. Chutih lai chuan Shillong-ah Cinema Hall… Kelvin, Bijou (Vai film) Garrison (Sipai tan bik) leh Happy Valley-ah Hippodome Cinema Hall chauh a awm. Cowboy film kha kan ngaisang em em a, William Holden leh Glen Ford rawn lar chhoh tirh vel kha a ni. Texas Rangers ride again tih vel hi chu kan chhuah lo hrim hrim. Hrat tak kan ni. Zan khat phei chu Assam Regt. tho patrollon min man a, Revolver tein min tin vel mawle. To have and have not tih te. Vai film ah pawh cowboy lam ang film Babo Rao leh Nadia film te kha kan nasa a, nadia kha a lar a, a sakawr var chunga chuang tur bingbilet ngatin an zuanglai vel te kha kan ngaisang teh \hin a nia aw…

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?