Ka Huang (Feb 18, 2018)

Zakaia (Luka 19:1-10) chanchin hi Mizo Kristian te hian kan hre vek awm e. “Amah lah a tawi si a” tih atang ngawt pawh hian theipui ler a lang nghal mai a nih hi! Zakaia (Luka 19:1-10) chanchin hi Mizo Kristian te hian kan hre vek awm e. “Amah lah a tawi si a” tih atang ngawt pawh hian theipui ler a lang nghal mai a nih hi!

Zakaia hun leia Juda-ho pawh hian chhiahkhawntu te hi phakar tak tak, eiruk ching an nih chu an hai lo hle mai. Zakaia phei chu chhiahkhawntu mai nilo in CHHIAHKHAWN HOTU a la ni lehnghal a; chuvangin, Lal Isua lokal tur thu a hriatin theipui kungah a lawn nghe nghe a ni a. Juda mipuite pawh khan, “Mi sual hnena thleng turin a luh tak saw,” tiin an phunnawi nghe nghe anih kha.

He Juda te phunnawina avang hian emaw ni tehreng, keini Mizo tam tak pawh hian Zakaia hi ngai phakar ve ngawtin hlepruk chingah kan pawngpaw dah ngawt mai anih hi. Luka 19:8-10 hi ngun deuh leh chik deuhin han chhiar ila, Zakaia tawngkam hi chhiahkhawn hotu rinawm tak niawm a ni. “Tu lakah pawh thil engpawh lo hlep ru ila, a leh liin ka rul leh ang,” a ti ngam a ni. Today’s English Version: “If I have cheated anyone, I will pay him back four times as much.” New International Version: “If I have cheated anybody out of anything, I will pay him back four times the amount.” King Jame’s Version:- If I have taken anything from anyman by false accusation, I restore him fourfold.”

Zakaia leh Lal Isua inbiakna hria inti, chhiar chiang lo hi Mizo zingah kan thahnem awm hlein ka hre thin. Chuvangin, Juda mi tam ber pawhin chhiahkhawn hotu chu mi phakar em em hlep ruk tum ran reng maia an pawng ruat thin hi chuti a lo ni ikhaw lo mai tih he Luka ziakah hian a rinawmzia a lang nasa hle a ka hriat avangin mi tam tak pawhin Juda ho rinhlelhna ang maia Zakaia ring kan awm takin tiin Zakaia rinawmzia hi ka rawn tarlang ve a ni.

Juda inti Jehoa ringtu chuan Lal Isua chu, “Mi sual hnena thleng turin a luh tak saw,” tiin an phunnawi tih a nih nghe nghe kha.

“Isu, Isu, misual ka ni a, Nangmah lo chuanin ka thi ang, Aw, mi khawngaih rawh,” tih hi kan thupui ni theuh rawh se.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?