Ka Huang (Jan 6, 2019)

Lushai Hills ramrite: Hmar lamah Hringchar (Cachar), Meitei (Manipur) ramin a ri a, Chhak lamah Pawih leh Sukte ramin, Chhim lamah Satikang (Chitagong) leh Arakan ramin a ria. Thlang lamah Rengpui (Tipperah) ramin a ri bawk a, khita ang khi India Independent hma a kan zir dan a ni. Lushai Hills ramrite: Hmar lamah Hringchar (Cachar), Meitei (Manipur) ramin a ri a, Chhak lamah Pawih leh Sukte ramin, Chhim lamah Satikang (Chitagong) leh Arakan ramin a ria. Thlang lamah Rengpui (Tipperah) ramin a ri bawk a, khita ang khi India Independent hma a kan zir dan a ni.

1948 khan Lushai Hills khaw hming thahnem tak thlak a ni bawk, ka la hriat thenkhat ka’n ziak nual e :-

Chhuhlawh khi Thentlang tia thlak a ni. Chhuhlawh hming a putna chhan:- Khi khua atanga Aizawl lam pang luite kam (Aizawl zin kawng)-ah khian nuthlawi pakhatin Bekang hmun a nei a ni awm e. Khi Chhuhlawh chho khi chho tak a ni (keipawh ka kal tawh) Ar-lei pawh pathum lai awmin ka hria. Pu Mena (EL Mendus) pawh kha a kal a, a chhuah chhoh veleh, “Well, goodbye, ka lo kal leh tawh ngai lo ang,” tiin a goodbye an ti thin! Chu bekang faisa hrai 2 (kg 50 vel) chu ruakin, vaithang hruia a ah chhuah chhoh chuan chu nuthlawi chu hlawh tur a ni. Pa pakhatin a ak ta a, a tawpah a chhuak ta hlawl a, a lawm lutukin, “KHA, KEIMAH HLAWH ZOA,” tiin au pahin a su vak mai a, a dar a a ât phel a, a thi ta a ni an ti. A hlawh zo ngei a, hlawk a la hman ta lo a nih chu. Khawngaihthlakin!

 

Chhiahtlang: Saw khua saw engvangin emaw hmeichhiah tu hnenah emaw an chhiahna thin tlang a nih avangin a hming hi a zahmawh riaua hriat a nih avangin Vaihal tia thlak a ni.

Sate-ek: Sakei ek tihna a nia, a tenawm an tih avangin Keikhum tia thlak a ni.

Khawchhete: Samtlang tiin.

Thingsulthliah pawh khi an tum deuh a; mahse, an thlak ta lo. An tum nachhan: Mikhual 3/4 lai an riak a, chumi zan chuan an nulate an theihsak hlawm a ni awm a; chuvang chuan an chhuah pahin, “In nulate kan theihsak che u,” tia hrilh nan, kawtchhuahah sul an tum a ni. Chumi awmzia chu, hnim (sul) hi mihring ang deuhin an siam a, an nula ngaihsak zat kha an tar khum a ni an ti. Zahmawh rawngkai deuha hriat a ni na a, an thlak ta lo.

Ka sawi tum: KOLASIB chu Rengte kan ti thin a. A thlang lawk pawh Rengte kawn tih a nih khu. Rengdil tih pawh kan neih hi. Rengte khu Mizo kan thlen thlak hmain Reng (Tripurian)-ho awmna tur a ni. Khita ramri ka ziakah khian RENGPUI (TIPERAH) tih a nih khi. Khulai khu Rengte/Rengdil a nih nachhan khu, Pu Vanneihtluanga/Lalnuntawma te hian chhui se, chhui tham a awmin ka ring tlat a ni. Tunah pawh Vai-Rengte te kan la neih khu. Tripura-ah khuan an lal RENGPUI awmin tuna Kolosib kan tih takah khuan RENGTE (lal te zawk) a awm a ni mai thei. A thu hrimah KOLOSIB tih Mizo tawng pawh ni lo, khawpui hminga neih ngawt pawh hi thlak daih thain ka hria.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?