Ka Huang (jan. 7, 2018)

Ziak tur, mi chhiara ho te te si, ka tana ho si lo, ka va’n ngah teh reng em! Lunglen vangin December ni 17, 2017’a KA HUANG chhuak (RORAMI) chanchin te ka ziak nuala. A fanu te’n an lo chhiar niin- min rawn phone a, lo len kan chak, hmuh che kan chak te an rawn ti ta nual mai a, tichuan 31-12-2017, Chawlhni khan an lo leng ta a. Tunah chuan Rorami fate pawh chu nu niin an fate pawh an rawn hruaia, lung an tileng kher mai. Ka at em em zia chu, an mobile phone nambar pawh zawt eih loin zuk hawn tir thei ia. He KA HUANG hi an chhiar chuan ka phone-ah khian min rawn pe thliah thliah thei se ka lawm ngawt ang. Ziak tur, mi chhiara ho te te si, ka tana ho si lo, ka va’n ngah teh reng em! Lunglen vangin December ni 17, 2017’a KA HUANG chhuak (RORAMI) chanchin te ka ziak nuala. A fanu te’n an lo chhiar niin- min rawn phone a, lo len kan chak, hmuh che kan chak te an rawn ti ta nual mai a, tichuan 31-12-2017, Chawlhni khan an lo leng ta a. Tunah chuan Rorami fate pawh chu nu niin an fate pawh an rawn hruaia, lung an tileng kher mai. Ka at em em zia chu, an mobile phone nambar pawh zawt eih loin zuk hawn tir thei ia. He KA HUANG hi an chhiar chuan ka phone-ah khian min rawn pe thliah thliah thei se ka lawm ngawt ang.

Khang hun khan kan lo mawl awm khawpin ka hre ta- Rorami Vaihlo zial a chak ka tih kha. Pahnihin an \awna, pakhatin vaihlo zialna hrui a lo thliara, herhsawpa \huin thlangra kan chawi laih maia, Fiamthu sawi pahin kan thawk char char , mahse pakhat a lungawi loh vaih chuan a khupin thlangra kha a nghawk nghek mai a, Thingphel chhuatah chuan vaihlo nawi, lehkha, vaihlo \awnna — chung zawng zawng chu a thal phung maia, kan kawr leh awm velah te a kai niai nuai mai. Mahse hlim tak bawkin kan rut leh mai a, nui vak vak chungin kan zial leh mai \hin. Tunlai angin electric eng te, PHE tui, mobile phone te a awm lo a, an kawm thlang hla lutuk loah Sakhisih tuikhur, kang reng mai a awm lo a, Tui a zan chawi chuan, paikawngin um 9 a phur \hin, keini ho chuan um 2 kan \awna kan kai kawkalha ka pu mai \hin, a \henin meichher. Sakhisih chu a lo kang ngeia, a bul zawlah awmtual kan chhem a, kan ai a, ka nui dar dar \hin. In lamah U Seii pawl J.Lianchungnunga te an lo awm a. an ni.. Sangi lah chu Khuaromei tiin kan ko mai a, kuhva a zuar bawk si a, Keini zan khata siki pawh hmang phalo kha chuan meizial pawisa 4 man, kuhva– chuti bawk.. intodelh kan inti ve em em nia!

Ka sawi lai vel hi 1944/45 vel a nih chu.. kum 70 chuang.. khang lai khan kan mawl em em a, mahse RENRUN/RINREN kha a awm lo hrim hrim a, nuam tak chu a ni. Kha leh chen kha zantin deuhthaw ka rim a, a ngaihzawng awm pawh kei chuan ka hre lo, a inthup thiam nge, min bum hneh zawk?

A hnu deuh fe khan kha.. Zirtirtu hna emaw ni Kawrthah khuaah a hmu a, a kal tur chu Sairang thlengin, min thlah rawh a tih avangin ka zuk thlah a, jeep body-ah a sir zawngin kan \hu a. Khatih lai khan 15 CWT (Truck) chuan man Aizawl-Sairang Re 1/-chho lam Rs 2/- per head a ni. Jeep chu chhuk lam Rs 2/- chho lam Rs 3/- niin ka hria. |hangtharte u, in nuih a za tawh mai thei. Tun hma kum 70 vel khan Maian tel khat pawisa pakhat (Re 1/- in tel 64 tihna). Rorami chuan motor a rui deuh tlat ta mai a, mi dang an chuang bawk si, mut zal a chak si, a inthlahrung si, a tawpah a zep zo ta lo a, ka mal chungah chuan a lo mu zangthal ta tawp mai a, chuta a motor rui mitmeng chiang mang loa min melh chu, min melh tawpna a ni ta a nih hi. Ka sawi vel laia kan \hiante zawng zawng chuan hei, chatuan ram min pansan ta vek a ni. Kei, a nikhua lo ber leh hmelchhe ber hi eng tin tin emaw ka la meng ta \awk \awk a nih hi. Ka chungah Pathian a \ha. Ka pensawn (1987) vel laia ka duhthusam chu kum 70 thleng dam a ni. Tunah chuan 18-in ka pel ta lawi si.

Mission Vengah khan tlangval bu deuh bik 3 a awm \hin. 1) Rosiami te 2) Dengchhingpuii te leh 3) U Thanmawii te (Tlangveng) tleirawl 1 an awm. U Thanmawii te inah hian nula 3 an awm. Kulikawn Khamphei ep khi a ni a, fur laiin fanghma mawng kan thlawh nasa \hin. Nuam tak a ni. |um khat chu U Vanlawma (R. Vanlawma) nen khan Dengchhingpuii kan rima, kan hawn kawngah chuan, “Chhuana, Nang eng nge i duhthusam ni \hin,” min ti phut mai a, kei chuan, “A, kan ngaihzawngte hian min ngaizawng ve se tih te hi a ni ber mai,” ka’n ti rawk a, U Vanlawma chuan, “Kei chu pindan herh tet theihna khawl te tak te, ah ruk theih hi ka sam \hin, pindan zau fua chep deuha nek hi a dik mang si loa, herh ru hret hret ila, a tawpah chep deuhin kan \hu mai ang a,” tih chu a duhthusam a lo nih chu. Kan nui nasa a sin. A ni kha, a duhtui ni maw? a leng rei ve phian a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?