Ka Huang (July 15, 2018)

Nula chanchin bawk ho tete bawk ka ziak ang ka tih laiin, Vanglaini, ni 13th July-ah khan Rempuia R.Lutmang-in SEBAWNG CHUNGCHANG a rawn ziak tak avangin ka thlak leh ta phut a ni. Nula chanchin bawk ho tete bawk ka ziak ang ka tih laiin, Vanglaini, ni 13th July-ah khan Rempuia R.Lutmang-in SEBAWNG CHUNGCHANG a rawn ziak tak avangin ka thlak leh ta phut a ni.

Ka pu, 1937 vela Khristiana inpe chauha upa khan tawng hi a uluk em em a, Lungleng lal, Pu Khamliana upa min a ni. Tawng hi a uluk hle a, Aizawl Mission Venga kan ina a awm laite chuan kan ninhlei min hauh dante chu… “E nge ni na vei?” a ti mai mai ngai miah lo, chiang zetin, “Eng nge ni na vei?” ti chi ngat a ni. Bawng 2 kan vulh ve a, chu pawh chu SEBAWNG a ti ngat thin. Chuvangin, a tawngka atangia ka ngaihtuah ve dan chuan Mizote hian Bawng (cow/ox) kan hriat tanna hi a tlei deuh niin ka ngai. A tir atanga kan ran vulh ni ve sela chu man leh mualah SIAL anga telh emaw, lei chawi nikhuaah emaw a tel ve ngeiin a rinawm. Kan pi-puten an hmuh tirh hian sial a an deuh roh avang hian sebawng an ti ta mai niin ka ring thin. Kelte pawh a awmzia tak tak kan hre lam en ni KEL an tia kan sawi kel ta zel mai a ni lawm ni. Ui leh Kel thlun pawlh tihte hi upa sawi dan a nia, Sial, Ui leh Kel hi chuan kan ran nei ve ni awm tak a ni.

Sial leh bawng thlah pawlh a nih vanga SEBAWNG an tih a rinawm loh. Mission Vengthlanga Pu Huala (Hmingliani Bakery) khan Kawlhkulh lama mi, Sial leh Bawng thlah pawlh, a nu a han chaw chhuak a, bawng satliah ai chuan hrawl tak a ni, hnutetui pawh a ngah hle an ti. Han en reng reng hian a tang deuh hru mai a, bawng satliah ai chuan a nelawm loh khawp mai. Chu sial leh bawng thlah pawlh chu Sial-bawng ti loin Bawng-sial tiin kan lam thin. Bible-a (Luka 15:19) sebawng a tih hi a saptawng lama oxen a tih avang hian tuna bawng kan tih hi kan pi, kan pute khan SEBAWNG tiin an lam thin ni ngei tur a ni. An lam thin ni ngei tur a ni, ka tih nachhan chu ka pu (ka pa 1893-a piang pa lehchhawng)-in SEBAWNG a tih thin vang a ni.

Chuvang chuan a ni sial leh bawng thlah pawlh ni loa bawng kan tih hi a nih ka rin ni. Rempuia pawh hian bawng pangngai kan tih hi ni thoin a rin hi. Hmanlaia Sebawng tia lam a ni tih ka rin dan ve chu a ni e.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?