Ka Huang (July 17, 2017)

Kan upa ve ta deuh nge ni dawn..khawl chhut harsa ka ti ta deuh tlat mai. KA HUANG pawh hi MI HUANG-ah a chang hnai tawh a ni ang a!

Tun tum chu kan naupan ve lai 1934 chho vela kan khawsak dan vel leh kan mawlzia, PHUNG tih ang reng kan hlauh zia ka’n sawi teh ang. PHUNG/RAMHUAI tih ang chi te hi kan sawi zan tin mai a, dik tak chuan sikul lama zir bak hi in lamah chuan, home work bak kan ti lem lo. PAWNTO hi a ni ber mai. Dawih hle e ti lo hian hlauhawm sawi hi kan hrat em em lawi si, kan zan tin topic a ni mai. Phung tih vel hi kan ngah mai: Phungphuhrut, Inthumkar, Khairek, Thlahrang, ramhuai, thlaai, Tualsumsu, Zunhindawt, Maimi, Pheichham, Khuavang, Lasi, A! hriat sen pawh a ni lo.

Pu Lianhranga, MSV feh hawng chu lamhnai dai theuna bulah pa lianpui, dum muuk mai hi kawngah a lo \hu khat hmuk mai a, Pu Lianhrangan kawng kian tura a dil pawhin a ngaihsak lo a, a sah hel a, in a thlen hnu lawk a\ang chuan a dam lo a, lu kawlh rawtin a na. U Vankhama’n Venghlui nula a rim hawn kawngah thlaaiin a bawh a, ai chung chuan a kap karah te a tlang zawk zawk a, a ni pawh lukawlh rawtin a na tih te hi kan hriat a ni. Venghluia nula pakhatin amah rimtute thingpui a lum dawn a, thingpui \hing a zuk bun chuan Zunhindawtin an tui chhia chu a lo dawt niin. A hnungzangah thingpui \hing chu a zuk leih tlawrh mai a, an \e dun nasa mai tih te chu Aizawl chhimlamah chuan a thang nasa mai \hin.

Khang hun lai khan, a thuhrimah insawi \haih hi kan uar em em mai a, chung thil vang chuan zan thim hi kan hlau ve ringawt mai a, kan thauah a man tlat mai a ni ber awm e. |um khat pawh pawntonaah zaikhawm zaiin kan zai a, tu tute emaw an lam bawk a, khurh lam lai kha a ni a, tleirawl pakhat chu a khur char char mai a, a nu\ain bang tawh tura a tih pawhin a reh thei lo. A mangang chuan, min hrilhru vek a, “Kha pui PHUNG ka tih veleh i tlan thut ang u,” a tia le….thawk leh khatah, “KHA PUI PHUUNG,” a’n ti mai a leh, lam khur reh thei lo tih te chu khawi lam.. Ka U, Ka U a ti chul mai nia! Chuti khawp chuan phung tih ang reng hi kan hlau hlawm a ni. Tlumpui kui te kha vawi thum a kui zawn chuan mitthi thlarau a ni te kan ti a, kan hlau vek mai a ni. Chhimbukin KUK KUK tia a han hram te kha, mitthi tur an awm a nih chu. Mitthi an awm lahin, “Nizanah tlangnuam pangah sakhi a huk reng a ni,” Eng emaw ni, mihring baka thiltithei hi kan hre em em hlawm mai, kan hlau bawk.

Mission Vengthlang kawnah awmtual kan han chhem a, Meichher indahsiak an han rawt ngei a, tu thingfak emaw kan han pawt rawlh zauh mai a, chu chu, kan han chhem hnana, a ling ta tihah a naupang pang a\anga \anin ram lam kawng ngei mai kha an han thlang a, Kan kal hmain du tawkin min han sawi \haih te te a, “Heti ang meichher hi sakeiin emaw, thlahrangin emaw an ai chawk mai,” tih te thiam deuh maiin an han sawi hrep phawt a, chutah a naupang berin a dah \an a, chu chu a upat dan indawtin kan dah hla talh tlah \hin. Kan aia upa leng tur inti te kha kawng dangah kal ruin, meichher dahna kawng lamah te an lo awm ru a, kan kal lam khan min lo rum \haih ngei a, meichher dah hlat kan chak si avang khan kawng dunga a hla zawnga vawm vak mai te a awl khawp nia. Kan awm khawmna hmun kan thlen leh khan, kan dahna hmun chiah kha min han zawta, kan dah dan tak, a thingtuin a hawi zawng nen lam, a hrehawm thei a nia, chuti e ti lo chuan a hrat hratah kan \ang lawi si.

Huai nih te kha kan chak em em a, \um khat pawh kan ngam loh, Tawna sipaiah kan \ang a, bel khat kai tur chuan vaihmarcha te hring pum khat, belhnihah 2, bel thumah 3. Tui leh thil dang pawlh phal miah loh, a hmuh lai ngeia seh sawm a, hmuh tur. Pa khat chu ka ei ve hram a, mittui a parawl kuang mai. Pu Kawlvela fapa Lura khan bel thum kai a duh si, 3 a han ei rual a, a han seh sawm biah biah maia, bel thum a kai chiah tihah a thak ti lutuk chu a \ap vawng vawng mai nia!

Tunah hi chuan kan changkang ta naupang insawi\haih pawh a awm ta lo, naupangin thim pawh hlauin ka hre ta lo. A tihzia ngawt mai.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?