Ka Huang (July 8, 2018)

Tun tum chu Mizo hming sak lam pang hi ka’n sawi daih teh ang. Kristian kan nih hma ata tawh hming sak hi Mizo hian kan ulukin kan duhtui hle niin a lang. Dik tak chuan, eng vang ni maw, kan hming tam tak hi hming chapo lama  ni chawk mai.

Zahmuaka tih hi chuan kum 9 phur 100 nei zawn turin kum khat an la bak tihna niawm tak a ni. Kum 10 a zawna phur 100 an neih khan Zadinga, Zakungi an ti thei chauh a ni si. Keikapa, Vawmsata han tih te hian kan chhuanzia a tilang hlein, a tha hlein ka hria. Hnam (chi bing) hming kha an telh pawhin an laiah hmingah a bet mai thin niawm tak a ni. Saingura, Hmarkunga, Chawngliani tih ang chiah hian an chi bil hming kha an telh nghal mai niin a lang tlangpui. Tun tum chu Mizo hming sak lam pang hi ka’n sawi daih teh ang. Kristian kan nih hma ata tawh hming sak hi Mizo hian kan ulukin kan duhtui hle niin a lang. Dik tak chuan, eng vang ni maw, kan hming tam tak hi hming chapo lama  ni chawk mai. Zahmuaka tih hi chuan kum 9 phur 100 nei zawn turin kum khat an la bak tihna niawm tak a ni. Kum 10 a zawna phur 100 an neih khan Zadinga, Zakungi an ti thei chauh a ni si. Keikapa, Vawmsata han tih te hian kan chhuanzia a tilang hlein, a tha hlein ka hria. Hnam (chi bing) hming kha an telh pawhin an laiah hmingah a bet mai thin niawm tak a ni. Saingura, Hmarkunga, Chawngliani tih ang chiah hian an chi bil hming kha an telh nghal mai niin a lang tlangpui.

Missionary an lo chhuak a, Pathian nung thu an rawn sawi a, Pathian thu kan awih tak hlawm avangin kan hming sak dan kha kan thlaka, Pathian lam hming chawiin hming kan sa leh ta mial mial hlawm a, a kar karah mahni pu/pa/chhung te thil tih hming kan chawi nasa em em mai. Vanlalpari, Vanlalpathianmalsawmdawngliana, Vanrami, Lalthianghlima, Lalhminghlui ti tein kan sa leh ta mawlh mawlh a.

Roman Catholic-ho erawh hi chuan mi thianghlim hming, an laiah hmingah an belh ta a, an kohhran dan a nih avang a ni ang e. Mahse, mi tam takin an (Mizo) laiah hming chu bânin an Kohhran hming thar chu an dah lar ta zawk a, an laiah hming chu mi tam berin kan hre ta lo. Hetih kara ka fak em em chu : Kan Chief Minister hmasa ber, Pu Ch. Chhunga te nupa kha Roman Catholic tho an ni. Nimahsela mi tamberin an Roman Catholic hming kha hria an/kan awm lo, an nu Pi Rothangi Roman Catholic hming phei chu a fanu ngei pawhin tun June thla tawp atang khan a hre ve chauh a ni. Chu pawh ka zawh-tir  avang chauhin. An laiah hming kha an hmang tluan parh mai a ni. Kohhran inkhawm nikhua te erawh chu.. ka hre lo a.

Tunlai hi chuan Sap (ka ti mai a) hming hi mawi kan ti ni maw, Mary, Stephan, George, Maggie, Baby sawi sen loh hming kan pu ta ferfur mai! Pitar tawh deu te pawh Baby te pawh an awm zuk tia! Eng vang tak nge mahni laiah hming aia phuahchawp… sap hming kan ngainat tih hi hriat a harsa hle mai. Kan ler vang a nih ngawt loh chuan!

Kan Mizo tawng hi bo mai tur zingah a tel hi in tia, tel pawh a tel ta ve ang. Mahni tawng lah mahni laiah hming aia sap hming heti taka kan ngaina mai hi. YMA-in Mizo tawng hman uar zawkte a tum ni awmin ka hria. Thuneituten he lehkha hi an chhiar a nih chuan Sap hming tih vel pawh hi tih kiam emaw tum se, sakhua avang ni loa hnam dang hming hman hi thil zahthlak leh, mahni hnam chawimawi lohna a ni tihte hi zirtir sela a tha ngawtin ka ring. Heti reng reng chuan thangkhat a lo len meuh chuan Mizo hming hmang alawi kan awm tawh lo ang tih ka hlau tak meuh a ni. YOUNG MIZO ASSOCIATION ti te hi tih-Mizo châk nak alaiin.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?