Ka Huang (June 17, 2018)

Tun tum chu Vai-hmeichhe-Veng lam thung aw. Mizo hi kan thatchhe khawp a, Vai-Hmeichhe-Veng tih a ni a, Hmeichhe Veng tiin kan titawi a, tunah phei chuan Khatla an ti ta mai. Khatla pawh hi a dik lo a ni awm a, KHATA (kha-bitter) tih lam lam a ni awm e. Sawlai kawn velah sawn sipai savun thuam nawh nana tha fahran, Hruipawl a tam avangin vaiin Khata an ti a ni an ti.Tun tum chu Vai-hmeichhe-Veng lam thung aw. Mizo hi kan thatchhe khawp a, Vai-Hmeichhe-Veng tih a ni a, Hmeichhe Veng tiin kan titawi a, tunah phei chuan Khatla an ti ta mai. Khatla pawh hi a dik lo a ni awm a, KHATA (kha-bitter) tih lam lam a ni awm e. Sawlai kawn velah sawn sipai savun thuam nawh nana tha fahran, Hruipawl a tam avangin vaiin Khata an ti a ni an ti.

Sikulpuikawn atangin kal ila, kawng hnuaia Vaiin hmasa ber chu tuna PP John-a te in saw a ni. Khuptuaha kan ti mai a, Subedar pension a ni an ti a, keini hmuh ve chin (1936) velte kha chuan a til a puk an ti mai a, a malte thleng hian a uai duai mai thin. Makpa a nei a, Khuptuaha Baze kan an tia, fanu hmeltha deuh mai Sarosato an nei a; mahse, thawkkhat lai khan a chesual a, nau a lo pai ru niin, an in lamah a nei ngam lo ni maw? Mission Vengthlang Pu Hanga tual, lamkhuang hnuaiah, pawnah a nei khan ka hre ta. Tunah khawiah tak awm tawh ang maw?

A piah lehah kawngthlangah Aimana, thirdeng leh rangkachak chher an awm a, chutah chuan tu zawk emaw nupui (?) kha, “Ka pi Chibaii,” kan tia. “Ka pi Chibai,” tih chu huat tak têin a hua a, chu tak chu kan chhaih duh chhan… tlanchhiat inring sain kan han chibai ngei a, anchhe tinreng min lawh a, a chem kawm a lek a, min um a, min umpha si lo a, a tawpah vai anchhe inlawhna tawp (?) ‘Law raw’ tih pahin min dawrh khuma, a inhlim fai vek zel, chu chu kan hmuh châk taka chu a ni si. Anchhia min lawhna hmuh châkin kan ‘Pi Chibai’ luai luai reng mai maw le! Khatih vel lai khan Lushai Kuki min tia, anni hnam tha, keini hnam chhia (hnuaihnung) an tuichawi hnawng lamte kha hrut palh hlek ila, duur, sala an tia, an tuichawi (chhipchhuan) kha an bun vek a, Darnama mi an zuk chawi leh ngar ngar mai thin. Chu mi tihchâk reng reng chuan kan sava veh pah hian an tui chawi hawng hi kan hrut (lui) palh zing teh asin. Saw dawrkawn tak taka dawr hmasa ber saw Assam Rifles puanthuiho in a ni a. A dawtah Harisingha te, Nuthaui, Awmhmula, tih angrengin an dawt a. Chutah Neihlaia in, a tawpah Kaizathlara kan ti mai a, mithai siam/zuar a awm bawk a, kan lei nasa thei a nia.

Chung lai vai naupang chu vai sikul PP John te kawmchhangah an kal ve thin a, Zirtirtu chu Gorea, Joy Bahadur (Keleka) leh Pu Zalawra (MSSU) kha an ni. Keini primary sikul nen kan inawmchilh si a, chawlhlawk hi chuan kan insual reng mai a ni ber. Mizo kan aia liante hian an han kawk a, “Hei hi i ngam em? I ngam chuan a chalah chil hnawm rawh,” an han tia, kan hnawm lo ngam si lo a, kan insual a ni zui mai. Tah loh ni kan nei mang lo. Kan ai lian ngei kha, “I ngam em?” an tih thin chu an ni a, “Ngam lo,” kan ti ngam bawk si lo. Mahni ai lian sual hi kan ni tin hna chu a ni mai!

Thawkkhat lai phei chu Lane Boy pawh an rawn kaltir a, Motilala te, Gainea te hoin U Romawia pawh an vawthlu nghe nghe a. Khatih laia kan Zosap (pa tak mai) chu Pu Niara a nia, Manding sap nen pawh an insual thelh an ti nghe nghe thin. Chuta tang chuan Lan boy kal an khap ta.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?