Ka Huang (June 3, 2018)

Kar hmasaah Thakthing Veng ka rawn ziak nual ta a. Tun tumah hi chuan – Dawrkai Veng ve thung aw (kei hi chu ka hmelchhe khawp a, tumah min ngaizawng an awm lo; mahse, ka harh vangin mi dang ka kawm nasa). Kar hmasaah Thakthing Veng ka rawn ziak nual ta a. Tun tumah hi chuan – Dawrkai Veng ve thung aw (kei hi chu ka hmelchhe khawp a, tumah min ngaizawng an awm lo; mahse, ka harh vangin mi dang ka kawm nasa).

Hmeichhia chu ka rualpui vel ai hian ka chhang pawh rual mang loho ho ka kawm nasa. Dawrkai Vengah chuan… kan zan lengchhuak tur hi a hmasa berin Lalthuami kuhva der man emaw kan han ak phawt mai a, khutah Venghnuai pen pheina bawr lai khu a hulum deuh a. Zan khat chu perhpawng a pung chiam mai a, êng an rawn bawm a, keinihoin bel chhin neiah kan man apiang kan khung zel a. Lianchunga fanu, Mawitei te chuan pump khawnvar an chhit avangin a êng bik a, perhpawngin an bawh nasa bik a, man pawh an man tam ngiang bik mai.

Nula chu Biakhliri & Lalthianghlimi (Pu Bira), Lalthuami (Zabanga), Zachhungi (Pu Chhawnga), Biakchhungi (U Lalbuaia), Lalliani (Pu Ngura), Vanpari (U Laii), Zochami (Dr. Hrangbuanga) te ho kha tleirawl an ni hlawm a, Pu Zakunga kawt bawrah khuan an tualchai ve nasa thin. Kei hi chuan Lalliani leh Vanpari kha ka kawm nasa ber a, an phawk a, an tawng duh bawk a. An inah tak chuan ka rim pawh ka hre lo. Vanpari u, Dengchhungi kha hmeltha vawt mai a nia, Lalliani te leh Pi Hualhnawlhi te in inkara khawsa kha an nia.

Chawlhni tlai khat lalliani te inah atanga ka chhuak chuan Dengchhungi ka lo thlir uluk deuh em ni tehreng, Pi Hualhnawlhi te nena an inkar thirhlingnei chu ka kekawrtlawn tet duar khawpin ka tai teh reng a, ka mal-lai vei lam hi tun thleng hian inches 4 dawn lai a la ser kual raih mai nia!

Heng tleirawl zingah hian Lalliani leh Vanpari ka kawm nasa ber a, zep pawh an nei lo. Tum khat pawh tengtere tuichiah thak tawk kha an lo hawp vak mai a ni awm a, Vanpari’n min hrilh dan chuan, “Kan han daileng chu A DONA ang pat a ni mai,” tih thlengin kan inhrilh bawrh bawrh thin. Kha tih laia kan tui connection chu Sakhisih leh Venghnuai tuikhur a ni ber mai a, tuikang nghahte hi nuam kan ti, kan hlim thin. Thlasik lam a lo ni ngei a, hnehthel leh thingtang kan han fawmkhawm a, kan ai zankhua a ni zel mai. Sakhisih phei chu a hna a tlem nasa mai sia!

Ka han zawt kual ngial a, Lalzuali a la dam tih min hrilh a. Ani kha hâng ngaihnobei deuh mai a nia, a nu leh pa kha an hmeltha a, mak ve tak chu Lalzaua leh Ramliana, mipa kha an hâng lo, hmeichhia, Lalhliri leh lalzuali an hâng a; mahse, Lalzuali kha ngaihno a bei ka ti ngawih ngawih thin.

Tum khat, Khrismas eve niin ka hria, ka ngaihzawng present atana ka lei Kraws ang deuhah pangpar dah, dara chher hi ka lei a, ka kawrchung hmaah ka tar va mai a. Tawh Rova nen kan chhuak dun a, Lalliani’n a lo hmu chat mai a, mi rawn pawm chawt mai a, keiin ka hup hmak mai bawk a. “Min ngaidam rawh, ka ngaihzawng tana ka lei a nia,” ka’n ti thin a, min dil ngar ngar mai a. Zah pawh a dawn bik tawh lo, “U Chhuan min pe rawh, ka neih, i duh phawt chuan ka pe ve em em ang che,” a’n ti thin, ka ui bur mai si. Tawh roa’n, “Pe mai teh, a neih a pek phal phawt che chuan,” a lo ti. Kha ka pe ta lo a, ka ngaihzawng chu ka pe ta tho a, min ngaihzawng belh chuang hlei lo a. Ka tiuiawm ngawtin ka hre leh hnuhnawh ta.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?