Ka Huang (March 25, 2018)

Tun tum chu hlauhawm si lo, kan hlauh ve viau lawi si, tun laia kan hmuh ngai tak  reng reng loh tlem azawng ka’n sawi teh ang.  Tun tum chu hlauhawm si lo, kan hlauh ve viau lawi si, tun laia kan hmuh ngai tak  reng reng loh tlem azawng ka’n sawi teh ang.

1. LEI RUANG TUAM: Lei ruang tuam hi ramhnuai khawii emaw laiah hian thlan vurna hlui deuh ang hian ruang chen vel hian a pawng a, duh lai tih hriat reng hian a fai hliau reng mai lah taka, eng rannung emawin a hmang ni ngei tur a ni.

2. THING LU BUL: Thing lu bul tih takah zar pawh nei lo hian a rawn to ve tawp maia, a chhip a mum tul satliah ringawt maia, chutiang chuan a nung ve reng mai nia.

3. TAU MEICHHER CHHI: Hman lai 1930 chho te khan Tlangnuam damah te sawn zanah Tau meichher chhi a de sup sup thin. Mission Veng lam atangin a chiang thei si a, an darh chum chum a, a chang leh an awm khawm leh vek a, mak ve ang reng tak a ni. Engmah hlauhawmna chu a nei lo a niang. A huho chuan keini naupang pawhin Mission Veng field ah sawn kan zir ve hin. Mak ang reng chu, a chang leh a thi diak a, eng emaw chen hnuah an lo eng leha, an awm khawm a, an darh leh a, hotu niawm tak lian bika eng te kha awmin ka hria.

4. CHHAWIHFA: Chhawihfa pawh kha..in hnuai atangin a thlawk chhuak an ti mai thina, thlangra ah hian thil alh duh tak dah teuhin hal sela, thlawk ta vak se, a thlawh pah chuan a ek a thlauh eng thla puat puat a, kha lei chu a thleng thin lo ni tur a ni. An sawi dan chuan mitthi tur thlarau a nia, an in atangin a thlawk chhuak thin te an tia. Kan nu pawh hian a pa Zakiamloa kawmthlanga a kal laiin Chhawihfa thlawk chhuak chu a hmuh thu min hrilha, rei deuh hnuah an fa a boral a ti.

5. KHAWCHÂN: Khawchân pawh kha Chhawihfa anga sawi a ni a, mahse ek a thlauh ve lo a ni awm e. Hei pawh hi thlangra tiat laiin a alh enga, a thlawk pur pur thin niawm tak a ni.

6. THLA-AI: Thla ai kan tih mai kha. Naupang te kan nih lai khan U Vankhama (hla phuah thiam) pawh kha thla aiin Venghluia a nula rim hawng a bawh a, Governor bangla hnung vel ngaw dur hnuaiah khian a ni ang. A kap karah te a lut tlang zawk zawkin a ai khum vak an ti thin. Kha lu kawlh rawtin a na ta an ti nghe nghe.

Chutiang deuh hlek bawk chuan Pu Lianhranga, Dawrkai Veng feh hawng tlai pawh se-dai bulah kawng hnawh tlat hian pa lianpui mai hi a lo thu a ni awm a, amah mi huaisen a nia. Kawng kian turin a dil a; mahse, a kian duh si loa, a sah hel ta ringawt a, a thusawi chu a dik em tiin tlangvalhoin an zuk en pawhin a sah helna hnuhma chu an hmu ngei zuk tia. Ani pawh lu kawlh rawtin a na. Hetiang hi nat dawn a vangin an mit hrui a dik lo a, an hmu sual a ni an ti. Dr. Fraser-a pawh khan, “Ramhuai ka hmu, ka na dawn a ni,” a ti mai zuk tia. HENGHO HI A AWM TA LO, KHAWNGE AN THANG TAK NIANG?

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?