Ka Huang (March 4, 2018)

Tun tum chu sipaia ka tan ve vel dan aw: March 1945 thla laihawl vel khan Assam Regiment sipai tur lain Hav. Major Chalchhunga leh Lance Naik Sailoa Aizawlah  an lokal a. A ni tak ka hre ta lo, Zirtawpni in tuna Assam Rifles Commandant bungalow (Chutih laia sap hoin, inches 4-a a awn avanga an hluihlawn sawn recruitment chu tih a ni. Tun tum chu sipaia ka tan ve vel dan aw: March 1945 thla laihawl vel khan Assam Regiment sipai tur lain Hav. Major Chalchhunga leh Lance Naik Sailoa Aizawlah  an lokal a. A ni tak ka hre ta lo, Zirtawpni in tuna Assam Rifles Commandant bungalow (Chutih laia sap hoin, inches 4-a a awn avanga an hluihlawn sawn recruitment chu tih a ni.

Lalhliri leh Lalnghingloa ne Chite lui vuak tumin Kangtek kan la laklawh sua, “Lak tur an hmu zo lo ang, sangha vua ila, inrinniah kan kal mai dawn nia,” tiin sangha kan vaw ta a. Inrinni chuan kan va kala Civilian clerk hi a lo awm a, “Kan la khat vek tawh, Thawhtanni khian an chhuk thla dawn, zui ve ula, Shillongah in in enroll mai dawn nia,” min lo ti a. Thawhtannia zui tum chuan kan awm a; mahse, Inrinni chuan an lo chhuak a lo ni si. Thawhtanni chuan kan um ta a (Chhiartu, 1945-ah motor sawtor a awm lo tih hre reng ang che.) Lungdai pelh deuhah khian kan um pha a, kan tel ve ta ringawt mai a ni. Kein bangla kan chhiar thla zel a ni ber. Rengte kawnah khuan Good Friday kan hmang tih kan hmang tih ka hre reng. Lak zingah khan Ziona a awm a, “Ziona nen kan zai awn awn mai dawn e, chu lo chu Zion a awm lo e,” tih hla kan sa a, Ziona chu a lam na sa thin!

Silcharah rest camp BOR (British Other Rank) leh IOR (Indian Other Ranks) tan a awm a chutah chuan kan awm hung mai a, railah tum khata kan len loh avangin, Sylhet thlengin a leng thei thei kan inthawn a. (Khatih lai khan India leh Pakistan a la hran loh avangin Shillong kawng chu via Sylhet.. Pynyrshulla a ni.) Sylhet rest camp-ah kan in nghak khawm a, Sylhet atang chuan CC Company bus khat zelah kan inhnawh chho leh ta a; tichuan, eng emaw ti ti chuan Happy Valley Shillong chu kan han thleng a. Kei chuan a tir atanga Clerk nih tum ka nih avangin clerk ho tur zingah an barrackah ka riak ve rawk mai a.

Training Centre Commandant, Col. HE Madge, Adjustant Capt. DS Elwell leh Record Officer Lt. Jibeswar Chetia hmaah kan han ding tlar a, Ngurkhuma nen kan te fal nasa ber. Sap tawnga min ha biaka kan chhan dan vang ni maw, kan tel fal vang ni maw, Lt. Chetia chuan, “I’ll have these two boys,” tiin min pawt fal nghal a. MAHSE, kei chu Medical exam te ka la ti si lo. Ka thiante chu an lu an meh kawlh sak vek a. RMO (Regimental Medical Officer) Captain hnenah ka zuk in exam a, chu chu 17-4-1945 kha a ni. Kum 16 thla 1 leh ni 9a upa ka nih chu. RMO chuan, “How old are you?” min tia. Sipai tur chuan minimum age requirement kha kum 18 niin ka hriat avangin, “18 years, Sir,” kan ti tawp mai a. “Don’t tell me lie, my boy,” an ti leh rih a, kum 17 ah min dah ta a, taksa len lam, san lam chu Medical Orderly in min teh a, Aizawl Dam Veng, Pu Thanghnuna fapa.. Biakliana a lo ni hlauh maia minimum requirement of height tih vel khan a ziak zung zung mai a, ka tling chu a ni ta der mai! Tichuan, Record Office, Family Allotment Branch-ah min dah ta a, Office chaira ka thut hian lei rap pha lo!

Assam Regiment sipai reng reng khan lu meh kawlh phawt kha a ni thin a, ka lo intuamin, ka lo thu ran tawh a, Civilian clerk pakhat hi a lo kal a, “Nang chu Clerk i ni lawm ni kha, Clerk tan lu meh kawlh a ngai tawh lo, a sei laiah inches 1 vel daha meh tur tih a nih kha,” tiin Hazam chu vai tawngin a hrilha. A sawi ang chuan min meh sak a, ka chhuk leh taa, Regimental Roll No. 4328214 min pe a, Office a ka kai tur chu…Boot ka bun zo loa, a lian lutuk. Uniform lah chu darbak chi kha a nia, bak loin zawk thlengin ka pawt chhoa, hruiin ka bat tang mai. Chuti chung chuan a ke hmawr lamah khan thleh 5-in ka thlep. Khang uniform kha Punjabi ho tana thui niawm a ni. Office ka chho chu Lt. Davinsona ka tawka, lukhum khum loin salute ka pe ve mai chuh.. “What is your number?” hei chuan ka byheart hek lo hi 4..3…2…8… ka ti hman chauh a, “Bloody Hell, you may go.” min ti tawp mai a ni.

Zing tin hian running kan nei ve thin a, clerk ho chu a hrangin, Nk. Darchhingan min ho thin. ka thiante zawng zawng kha lu meh kawlh kha an ni sia, keimah chauh ka tlan dum nal nal mai sia, JCO ho hian an ngaithei lo khawp a, min tidinga i lu met rawh an ti ziah mai a, Battalion Order Part I a chhuah kha hre ve hek lo, ka meh dawn leh Hazam ho khan a ngai lo an lo ti thin si. Ka ning teh ania aw…Khatih laia kan Commandment Lt. Col HE Madge khan Basic English min zirtir thina, word 800 in vai dawr theihna khawp a sawi theih a ni awm a. Clerical leh chu Basic English chu kan exama, Tlanghmingthanga (Pastor Liangkhaia fapa), U Biakthuama leh Keimah chauhin chu Basic English chu kan pass tak a vangin kan 3 chauh chu min grade ta a ni. Min grade takah chuan Bel 3 chunga C chu bel a tula, Non-commission Officer tih kan lo ni ta si. NCO cluba kal phak ka ni a, Rum hi sipai chuan tot (peg) khat an lei thei a, NCO chuan Peg 3 (sipai dang no khat) kan lei theih bakah, kan tam ve lo a, duh tawk kan lei thei a ni. Peg 3 (sipai dawn atangin min rawn hrilh a, ka leisak a, sipai dawng no 3/4 te ka han dil ta thin a, kan Battalion Hav. Major (Tumbuhuka kan tih mai) chuan, “Naupang te si zu i heh,” in tih phah nghe nghe.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?