Ka Huang (May 27, 2018)

May ni 13 leh ni 20 kha ka rawn ‘KA HUANG’ lo a, ka lu a hai deuh vang bakah ZALEN chhiartute hian an lo ning riau tawh mai ang a, ka’n enchhin teh ang tih thuhla vang lek a nia. Type-writer-a chhut hi ka thiam ve tawk a nia, chu pawh kut zungchala kawk zelin tih ang maiin! Kum a lo tlem lutuk ta lo bawk nen, rei-pui chu kan daih tawh lo awm loh hi maw le. May ni 13 leh ni 20 kha ka rawn ‘KA HUANG’ lo a, ka lu a hai deuh vang bakah ZALEN chhiartute hian an lo ning riau tawh mai ang a, ka’n enchhin teh ang tih thuhla vang lek a nia. Type-writer-a chhut hi ka thiam ve tawk a nia, chu pawh kut zungchala kawk zelin tih ang maiin! Kum a lo tlem lutuk ta lo bawk nen, rei-pui chu kan daih tawh lo awm loh hi maw le.

Tun tum chu Thakthing Venga kan harh lai ka’n sawi daih teh ang, hre pha li in thathnem tawh ka rin avangin.

Chung hun laia ka kawm nasat ber chu Rinthanga a nia; mahse, Sapthleng tiin ka ko a, ani chuan Hmangaih min ti thung a. Pa Tunga inah |inzu (Rice-beer) belpui duli man emaw kan in a, Kapthangpuii kha kan rim tak em em pawh ka hre lo, kan chhuak a, an kawmthlang chiah Kungliani te inah luh chu NGEI NGEI a ni ringawt mai. Zan khat pawh kan lut zawk a, ruah a tla ser ser a, a han chuan kan chhuak a, Mission Veng lam kan pan leh ta mai a, kan inkaihkuah a, kan zai vel a. Venghnuai peng kan thlen chuan, “Hmangaih, ka ke hian eng emaw ni ka pal ka pal mai,” tiin kan han enchiang a, laphiarfung leh laphiar sa zung 3 bawk vel hi a lo awm a, lain a lo la zawm sia, kan hlum kir leh ta ngat ngat a, Kungliani te inah chuan lahlum, kawngka kân ve thei lo chu kan pen apiang khan a lo vir ve ziah chu niin. A hnawka hnawk chuan Kungliani kan hlui hnawk a, kan chhuak leh daih mai!

Chawlhni chawhnu inkhawm bân hian khua a hul chuan kan inbah thin a. Rualchhingi te, Kapthangpuii, Kungliani te leh tu tu emaw inbahnaah khan kan thawkpalai ve thin a. Bahpui an tih emaw ni kha, a phutte pawh kan phut huh hliam hluam thin. |um khat chu tlangval kan thahnem khawp mai a, Bawihlutan lo tel ve tumin, “Ka thawkpalai ang,” a rawn tia, “An awm tawh, Thawk nulai an awm, Thawk u lai, an awm. Thawknau lai, an awm, Thawk ni lai, an awm, Thawk pu lai, an awm an/kan ti zi zel sia, tel a tum nasa mai si a, “A nih ka thawk chhu hur ang,” a ti tawp mai a, an awm loh avangin a thawk chhu hur ta lawp lawp mai. Chuta tang chuan Kapthangpuii nen chuan ‘Thawk chhu hur’ tiin inkoh nan kan hmang ta a ni!

Khang K’u Thankimi (WAC(I) – Women Auxiliary Corps (India) te inah pawh khan ka leng ve thin. Tunah chuan a tam ber chu an boral zo tawh. Ka’n hriat mai theihah chuan Lalchhingpuii, Hmeichhe sikul zirtirtu thin leh Bawihluta te hi a dam awmchhun chu an ni mai awm e.

Chung lai chuan Sapthlenga (Rinthanga) chuan a nupui ni ta, Thankhumi kha a la ‘my dear’ pawh ka hre lo. Engtik lai atangin emaw ni, Hlimna thlarau khan a man ta tlat mai bik a, kei lah chu HUL mai pawh ni lo, RO ka ni si. |um khat chu Thankhumi chu kan rim dun a, an upa ber, U Kutliani chu mihlim sang tak mai a nia, Thlaraute hi a sem den den thin. |um khat pawh a rawn sem a, a kutah a chawi a, a kut chu a chhem a, an luchungah a lehbaw thin. A rawn ti zel a, ka hnen a lo thlen chuan ka lo nui a, ani pawh a nui rah rah a, min sem kân ta daih mai nia. Chang dawn hian min hre lo khawp a ni ang chu.

Khang kan harh laite kha hei, kum 70 dawn a lo liam ta reng mai. Ka thiante zawng zawng, a bikin mipa, Mission Veng, Dawrkai, Kulikawn Thakthing Veng, Venghnuai… an boral zo vek tawh niin ka hria. Lung a leng ngawih ngawih mai a nih tawh hi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?