KH Chairman leh GS tur ruat

Aizawl; Synod Executive Committee chuan Kohhran Hmeichhe Inkhawmpui Lian Chairman tur leh General Secretary a ruat thar a. Synod Service Board-in Co-ordinator-te awmna a siksawi bawk.
Co-ordinator a siksawite hian March 14, 2019-ah charge an inhlan dawn a. Dr. Robert S.Halliday chu Synod Mission Board atangin Synfo-ah dah a ni a; H.Lalfakmawii chu Service Board atangin Kohhran Hmeichhia-ah; Lalpianthangi Hrahsel chu Kohhran Hmeichhia atangin MSSU-ah; Upa Lalmuanpuia chu MSSU atangin Service Board-ah leh Upa Lalbiakenga Fanai pawh Synod Mission Board-ah Co-ordinator-in a awm bawk ang.
SEC vawi 279-na chuan Kohhran Hmeichhe Inkhawmpui Lian Chairman atan Lalrinkimi, Edenthar Vengchhak, Chanmari West Bial leh General Secretary atan H.Lalfakmawii, Ramhlun North Bial te a ruat bawk.
Synod Service Board hian Thawhlehni khan chuan John Williams Hospital, Lunglei-a Staff Nurse contract-a thawk turin mi 2 leh driver a lak thar bakah Synod Office-a Peon hna thawk tur a la thar bawk.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?