Kohhran Hmeichhe Inkawmpui

Aizawl; Mizoram Presbyterian Kohhran Hmeichhe Inkhawmpui Lian Vawi 47-na chu Serchhipa Leisekawt Field-ah Zirtawpni zan atang khan tan a ni a, zanin hian a tiak ang.
Kumin inkhawmpui thupui hi ‘I Pathian tawk turin inpeih rawh’ (Amosa 4:12) tih a ni a, Upa C.Ngurthantluanga chuan a sawi ang. Dr. Lalrindiki Ralte, ATC hovin ‘Hla Thlankhawmte’ tih thupui zirho a ni bawk.
Zirtawpni khan Palai thlen kim ni a ni a, zan inkhawmah Palai lawmna & Reports ngaihthlak a ni a, Synod Moderator Rev. Lalzuithanga’n Pathian thuchah a sawi.
Vawiin hian Serchhip Kawnpui Kohhran Biak Inah Rorel leh Hruaitu thlan a ni a, tun tumah hian Central Committee atanga thu lut 2, Bial atanga thu lut 14 leh floor-a kal zel lova inhrilhfiah tur eng emaw zat a awm bawk.
Rorel hlan hian rorel palai ni lote tan pandal-ah inkhawm a awm a, Pi Lalbiakliani, Missionary, Siliguri-in Pathian thuchah a sawi a. Chawhnu  lamah ‘Hla Thlankhawmte’ tih thupui zirho a ni ang a, Dr. Lalrindiki Ralte, ATC-in a zirpui a ni.
Nizan atanga zanin thleng Pathian biak inkhawm neih thin a ni ang a, Pi Rinchawii, Chairman leh Upa C.Ngurthantluanga, Speaker-ten Pathian thuchah an sawi ang. Nizan khan inkhawm banah thu leh hlaa inpawlhona hun hman a ni a, zanin inkhawm banah hlaa inpawlho a ni bawk ang.
Vawiin chawhma inkhawmah Rev. P.C. Pachhunga, Executive Secretary i/c Kohhran Hmeichhiain Kristian Chhungkaw dinhmun tehnaa titha hnenah Trophy & Citation a hlan ang a, zan inkhawmah Synod Moderator Rev. Lalzuithanga’n Hruaitu tharte hlanna hun a hmang ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?