Kohhran Hmeichhe Inkhawmpui

Aizawl; Mizoram Presbyterian Kohhran Hmeichhe Inkhawmpui lian vawi 48-na chu Kolasib Diakkawn Field-a Pandal-ah Zirtawpni atangin tan a ni a, inkhawmpui hian zanin thleng a awh ang.
A tan zana inkhawm hi an Chairman, K.Lalliantluangi’n a kaihruai a, hetah hian palai lawmna neiin bial hrang hrang atanga report ngaihthlak a ni.
Nimin nileng khan Kolasib Diakkawn Kohhran Biak Inah rorel a ni a, hruaitu thar thlan a ni a. Inkhawmpui hma hian SEC vawi 279-na chuan Chairman atan Lalrinkimi, Edenthar Vengchhak, Chanmari West Bial leh General Secretary atan H.Lalfakmawii, Ramhlun North Bial te a lo ruat fel tawh a, chanvo dang chelhtu turte thlan a ni.
Inkhawmpui thupui hi ‘Tunlai thil awmzia’ (Rom 13:1) a ni a, Speaker atan Rev. R.Vanlaltluanga, Aizawl Theological College hman niin vawiin chawhma, chawhnu leh zan inkhawmah a sawi ang.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?