Kohhran Hmeichhe Rorel Inkhawm

Aizawl; Kohhran Hmeichhe Rorel Inkhawm Vawi 9-na chu Zirtawpni zan atang khan Tuikual Kohhran Biak Inah neih mek a ni a, zanin hian a \iak ang.

Kumin Rorel Inkhawm thupui hi ‘Ram chu Lalpa ta a ni’ (Sam 22:28) a ni a, Rev. Dr. K.Lallawmzuala, ATC chuan nizan a\ang khan a sawi tan a ni.

A tan zan hi ‘Inlawmna leh report’ ngaihthlak nan hun hman a ni a. Pi K.Lalliantluangi, Chairman-in inkhawm kaihruaiin General Secretary report leh Bial report khaikhawmna ngaihthlak a ni a. Rev. F.Lalrinnunga, Synod Moderator-in thuchah a sawi bawk.

Nimin nileng khan Chairman kaihhruainain Rorel Inkhawm neih a ni a, zan lamah Pathian Biak Inkhawm a awm a, Rev. P.C.Pachhunga, Executive Secretary i/c Women hnen atangin thuchah ngaihthlak a ni.

Vawiin hian chawhma lama Pathian Biak Inkhawm atangin thupui ngaihthlak tan a ni dawn a. ‘Kristian Chhungkaw Dinhmun Tehna Trophy & Certificate’ chu Synod Moderator-in a hlan bawk ang.

Kristian Chhungkaw Dinhmun tehnaa titha ber chu Phainuam Bial an ni a, he bialah hian Kohhran 4-ah Chhungkua 124 awmin ni tin chhung inkhawm an neih theih vek bakah Buhfaitham an tham ziah bawk a ni.

Chawhnua Pathian Biak Inkhawm hi Pi Lalnuntluangi’n a kaihruai dawn a, Speaker hnen atang thupui ngaihthlak leh a ni ang a. Zana Pathian Biak Inkhawmah pawh ngaihthlak chhunzawm a ni ang.

Vawiin chawhma inkhawm ban leh chawhnu inkhawm inkar lakah Kohhran Hall-ah Thua Inpawl Hona neih a ni a, ‘Pallative Care – Synod Hospital, Durtlang’ chu palaiten an zirho va. Chawhnu inkhawm banah Mual Inkhawm a awm dawn a, Pi Vanlalpari, Committee Member-in a kaihruai dawn a ni.

General Secretary report atanga a lan dan chuan January – December, 2017 chhungin Pastor Bial 199 atang report a lut a. Hmeichhe member 1,76,449 an awm mek a,  ni tin chhung inkhawm nei zat chu 65.74% a ni a, ni tin chhung inkhawm nei thei hi in 3,645-in an pung a. Buhfaitham tham ziah zat hi 98.15% a ni a, Buhfaitham tham ziah hi in 1,833-in an pung bawk.

March, 2017 leh February, 2018 chhungin Bial atanga sum hmuh zawng zawng chu Rs. 22,46,316 a ni a, Rs. 17,66,575 chu Synod Grant dawn a ni a, sum hmuh zawng zawng hi Rs. 40,12,891 a ni a. Sum hman ral zawng zawng hi Rs. 20,44,541 a ni thung.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?