Kohhran inpumkhatna seminar

Aizawl; Mizoram Synod-in Kohhran Inpumkhatna chungchang inzirtirna (seminar) thawh khatna a buatsaih chu Aizawl District huam chhunga Kohhrante tan neih a ni a, Ningani khan zone thuma thenin hmun thumah seminar hi neih a ni a, mi thiamten zirtirna an pe.

Zone khatna hi Mission Veng Kohhran Hall-ah neih a ni a, Upa R.Dengzikpuia, Synod Secretary (Sr.)-in a kaihruaiin Rev. H.Remthanga, Synod Finance Officer-in paper a chhiar thung a. Khawpui chhung atangin Kohhran aiawh mi 133 leh khawpui pawn atangin mi 88, an vaiin mi 221 an kal thei.

Zone hnihna hi Zarkawt Kohhran Hall-ah neih a ni a, Rev. R.Lalnuntluanga, Statistician-in a kaihruai a, Rev. Dr. H.Vanlalauva’n paper a chhiar a, Synod puipa atangin Rev. R.Vanlalnghaka, Secretary (Jr.) a kal bawk a. Khawpui chhung atangin Kohhran aiawh mi 107 leh khawpui pawn atangin mi 96, an vaiin mi 203 an tel thei.

Zone thumna hi Bawngkawn Kohhran Hall-ah neih a ni a, Rev. P.C.Pachhunga, Executive Secretary-in a kaihruai a, Rev. Dr. H.Lalrinthanga’n paper a chhiar a, Synod puipa atangin Rev. B.Sangthanga a kal bawk a. khawpui chhung atangin Kohhran aiawh mi 142 leh khawpui pawn atangin mi 86, an vaiin mi 228 an tel thei a ni.

Zone tinah hian Presbytery 3 aiawh leh Pastor Bial 9 atangin Kohhran aiawh mi 2 theuh an kal a, zone tin huam chhunga Bialtu Pastor, Pro. Pastor leh Minister-te an kal bawk a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?