Krismas leh Kumthar vuakvetah halpuah

Kum tluana er hlawh ber Krismas leh Kumthar chu kan hmang zo leh reng mai a, heng hunpui lai hian thil duhawm loh lian tham han sawi rik tur a awm lem lova. Kum dang zawng aiin lirthei accident pawh a tlem niin a lang a, tluang taka hunpui kan hmang thei hi kan lawm tur a ni.Kum tluana er hlawh ber Krismas leh Kumthar chu kan hmang zo leh reng mai a, heng hunpui lai hian thil duhawm loh lian tham han sawi rik tur a awm lem lova. Kum dang zawng aiin lirthei accident pawh a tlem niin a lang a, tluang taka hunpui kan hmang thei hi kan lawm tur a ni.

Hetih lai hian Krismas leh Kumthar vuak vetah  Sawrkar chuan halpuah leh a kaihhnawih thil a khap bur mai a, zawrh khap a ni a, hal khap a ni a. A bawhchhe luite chu dan anga man theih an ni a, a halna hmun neitu thlengin man theih an ni. Sawrkar lam pawhin mipui rilruah riak se a ti viau ni tur a ni chanchinbu, electronic media-ah te uar takin halpuah leh kaihhnawih hi khap a nih thu tihchhuah a ni a, social media lamah pawh tihdarh a ni bawk a nih kha.

Halpuah leh a kaihhnawih khap a nih chhan ber hi chu hriselna in a chhiatpui vang a ni a ber a, thawhah, lungthalo leh damlo chaklo tawh te tan harsatna nasa zawk a thlen vang a ni a, nunna chan te pawh an awm thin a ni

Kumhlui thlah zan khan tam tak chuan midang tibuai lo zawngin ‘sky lantern’ an chhuah a, hetih lai hian mi thahnem takin darkar khat chuang zet chu halpuah, meithallawn leh halmawi te an la hal tho mai a. Dan pawisak lohna kan lantir nasa hi a pawi hle a, mahni mihring puite pawhin an chhiat pui tih hre reng chunga a la hal pawl thahnem tak kan la awm hi  a lungchhiat thlak ang reng hle mai a. Dan kengkawhtu lam pawhin man an nei nual a ni.

Mizorama tlawmngai pawl lian ber CYMA chuan halpuah hal a nih lohna turin branch lam atangin theihtawp a chhuah kha a ni a. Kumhlui thlah zana halpuah hal awm hian ngaihtuahna a ti thui duh ang reng hle a, Mizo mipui hi kaihhruai nuam tak, thuawih thei tak nia sawi hlawh thin a.  Hetiang  zia hi kan thlah hret hret  ta mai em ni? tiin zawhna a awm thei awm e.

Sawrkar hian halpuah hi hunpui laia kap a la duh zel dawn a nih chuan tuna hmalakna ang kha mipui lamah chuan a sawngsawhlawt lo deuh tih a hriat a. Ngaihtuahna thar hlak hmang turin inbuatsaih sela a pawimawh hle ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?