Kristian Naupang Pawl Day

Aizawl; Vawiin hi Mizoram Baptist Kohhran hnuaia naupang pawl, Kristian Naupang Pawl (KNP) din champhaphak (KNP Day) vawi 74-na a ni a, kumin thupui atan hian ‘Mi dangte khawngaihtu’ ( Lk 10:33-37) tih thu hman a ni.

KNP Day hi KNP Unit awmna Kohhran hrang hrangah urhsun taka hman a ni dawn a, Pastor Bial eng emaw zat chuan he ni denchhen hian KNP Inkhawmpui an hmang ang.

Kumin KNP Day-ah hian kum danga tih thin ang bawkin Headquarters atangin tawngtai rual thupui thlansa, thuchah tawi chhiar tur leh quiz kaihruaina te buatsaih a ni a. Heng bakah hian Tualchhung Kohhran elh KNP Unit-ten tul leh tha an tih angin special item, infiamna leh hruaitute tul leh tha an tih angin programme a ni.

KNP hi April 23, 1943 khan Baptist Mission Society-a missionary Pi Zoduhi leh Pi Zomuani’n an din a. Huna eng emaw chen inkaihhruaina mumal tak awm lova kalpui a nih hnuin kum 1973 BCM Assembly chuan ‘KNP hi mumal zawka enkawl nise’ tiin a lo rel ta a, inkaihhruaina dan mumal taka siam a ni ta a. A din tanni pawh hi hun eng emaw chen hnuah chhut chian chauh a ni a, chu chu Assembly-ah thlen a ni a. Kum 2002 Assembly chuan he ni hi KNP Day atan a pawm fel a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?