KTP Gen. Conference Vawi 57-na

aAizawl; Mizorama Thalai Inkhawmpui lian ber, Kristian Thalai Pawl (KTP) General Conference Vawi 57-na chu West Phailenga Ningani zan atang khan neih mek a ni a, zanin hian a tiak ang. Nimin nileng khan Chhim Veng Kohhran Biak Inah rorel inkhawm neih a ni a, zingkarah kum 2018-20 chhunga hruaitu turte thlan an ni bawk.

Conference-ah hian ‘Isua chhinchhiahna put’ (Gal. 6:17) chu thupui a  ni a, Speaker atan Rev. Vanlalzuata, Chawlhhmun an hmang a ni a, nizan atang khan a sawi tan a ni.

A tan zan khan Palai lawm inkhawm neih niin Rev. Zothansanga, CKTP Leade-in inkhawm a kaihruai a, Rev. B.Sangthanga, Executive Secretary i/c KTP chuan kumpuan  leh Kumpuan Film chu Pathian hnenah hlanin a hawng a, kum 2018 -2019 KTP Kum Puan thupui atan hian ‘Khawvel mamawh Isua Krista‘ (Phil. 3:20) tih chu KTP Rorel Inkhawm 2017 khan a lo thlang tawh a. Upa R.Dengzikpuia, Synod Secretary-in Synod Choir Music Video a tlangzarh bawk a, Synod Moderator Rev. F.Lalrinnunga chuan Pathian thuchah a sawi.

Zirtawpni chawhma kha Rawngbawlna Report Inkhawm a ni a, Tv. Joseph Lalsangzuala, CKTP Committee Member-in inkhawm kaihruaiin General Secretary report, Finance report leh Bial report khaikhawmna ngaihthlak a ni. Chawhnuah Variety Programme neih leh a ni a, Pu F. Lalremruata, CKTP Committee Member-in inkhawm a kaihruai a. Upa Zomuana Ralte, CKTP Committee Member hnen atangin thusawi tawi ngaihthlak a ni a, Solo, Recitation, Short Play, Trio, Skit, Male Voice, Band leh Group Zai te ngaihthlak a ni.

Zan lamah Pathian biak inkhawm a awm a, Pu Lalchhuanliana, CKTP Committee Member-in inkhawm a kaihruai a, Rev. Lalramliana Pachuau, Senior Executive Secretary chuan thuchah a sawi a, inkhawm banah Fellowship neih leh a ni a, T.Upa H. Ramnunsanga, CKTP Committee Member-in inkhawm a kaihruai a. He hunah hian T.Upa Lalrinawma, CKTP Committee Member-in ‘Thalaite mawhphurhna – Chhungkuaah’ tih thupui hmangin thuchah tawi a sawi.
Nimin chawhma khan Synod Moderator Rev. F. Lalrinnunga kaihhruaiin 2018-2020 CKTP Hruaitu tur thlanna neih a ni a, Rorel Inkhawm neih a ni bawk a. Tun tumah hian General Agenda 9 chhawpchhuah a ni a, Agenda floor-a sawiho lova inhrilhfiah eng emaw zat a awm bawk. Kum 2018-2019 Central KTP Budget ruahmanna leh Bial Budget ruahmanna te pharha pawm a ni bawk.

Rorel inkhawm hlan hian pandal-ah Thuzir leh Ramthar hawi programme hman a ni a, chawhmaa thuzir inkhawmah Upa Dr. Lalnundanga, Chaltlang South chuan ‘Duhthlanna’ tih thupui a zirpui a, chawhnua Ramthar lam hawi inkhawmah Pi Vanlalthawmi, Missionary Training College chuan ‘Chanchin Tha hril tura koh Thalaite’ tih thuchah a sawi bawk.

Zan inkhawmah Speaker, hnen atangin thupui ngaihthlak tan a ni a. Inkhawm banah Fellowship-ah ‘Fak hla thiltihtheihna’ tih thupui hmangin Pu K.Lalruatpuia, CKTP Committee Member-in thuchah tawi a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?