KTP hruaituten YRC hmun tlawh

Aizawl; Mizoram Presbyterian Kohhran hnuaia thalai pawl, Central KTP-in an member-te tana a sak mek, Youth Recreation Centre, Falkland chu CTKP hruiatute chuan nimin khan an tlawh a. General Conference Vawi 58-naa rel, ‘YRC Project kalpui mek hi tuna zangkhai leh chhawr hma a nih theih nan tihdanglam ni rawh se’ tih cchu bawhzuiin hmalakna chak zawk dan tur an thlirho a ni.

YRC tlawhnaah hian CKTP Leader, Rev. Dr. K.Lallawmzuala leh Architect Malsawmtluanga hoin YRC Sub Committee hruaitute leh CKTP committee member eng emaw zat an tel a. A hmun laih mekah hmabak la awm leh, thil hmanhmawhthlak zualte tihte thlirin West Phailenga General Conference-a thurel bawhzui dan tur an thlir a ni.

Falkland-a YRC tur hi kum 2015 atang khan thawh tan a ni a, a hmun laih mek niin 90% vel laih zawh tawh thu a nih thu architect chuan a sawi a, kum thum chhunga hmalakna ringawt pawh hi chak tawk a tih thu sawi bawk.

YRC sak nan hian KTP member-te chuan sum thawhin sak tumna hmasa, Hlimen atanga Falkland-a sawn a nih hnu hian a thara hma lak ngai ang a ni a. Kuminah pawh hian Aizawl khawpuia member chuan Rs. 50 theuh, district khawpuia member-ten Rs. 30 theuh leh khaw danga member-ten Rs. 10 theuh an thawh leh dawn a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?