Kumin chhunga hnam dang ILP nei lo thawn haw tawh mi 255

Aizawl: Aizawl SP Office hotute hnen atanga thudawn danin kumin chhunga Inner Line Permit (ILP) nei lo hnam dang thawn haw tawh zat chu mi 255 an ni.

Aizawl SP office thawktute chuan ZALEN zawhna chhangin ILP check laia ILP hmuh tur nei lo an man zat chu mi 303 an ni a. An vai hian court-ah hruai niin an zinga mi 48 hian ILP an lo nei a, court-in thiam loh a chantir zui lo a ni.

ILP nei lote hian pawisa chawi tur an neih chuan an chawi tlangpui a, a nei lo chu lungin tantir an ni a. Pawisa chawi te hi Mizoram Police te chuan an motor lianin venhimna hnuaiah Mizoram atangin an hruai chhuak thin a, Assam lamah an phur thla thin niin Aizawl SP office hotute chuan an sawi.

Aizawl SP office thawktute chuan ILP chu guideline angin thla tin police station hrang hrang ten anmahni area huamchhungah an check thin a. June thla bikah chuan ni 1 leh ni 2-ah khan neih a ni a, hetah hian mi 76 man niin an zinga 10 chuan ILP an nei a ni.

NGO leh pawl dang anga ILP lo check chu dan kalh a nih avangin ti lo se an duh niin police hotute chuan an sawi a. Check tur an hria emaw check an duh anih chuan an hnaih ber police station a duty-te pun thin tura an duh thu an sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?