Kut hnathawktute u!

– A.Lalmawia
ZRDC Firm Tuikual
Ph No. 7641003644 (for feed back)

He Zoram khawvel hian kut hnathawka huan lo ram nghet hmanga eizawng zaa sawmrukte dinhmun chawikanna tur kawng hrang hrang hi thangkhat lian zet zawt chu kan Politician-te au hla ber leh Sorkar department concern te au aw a ni nachungin thlalera au rawl ang chauh emaw tih turin vawiin ni thleng hian kan dinhmun chu, “Aw Lalpa, a ngai bawk,” tih nen thuhmun deuh reng a ni.

He dinhmun ngai atanga talchhuahna kawng tur nia ruahmanna han siam thinte chu a fatu rualhoin an pumpui tihpuar nan, a sahrang lian leh tha lai an hlep thla, an chhanchhuah tur takte chu, “sa tah chhuak pek” angin a sa tawp hnawk thelep tete chu an han hlehthlak ve chauh nia ngaihtheihin vawiin hi kan thleng a nih hi!! (sawi thui tawh lo mai ang)

Tun huna ka’n aupui ve duh thung chu, SANDAL WOOD phun hi a ni. Hei hi a tlangpui chauh han tarlang rih ta ila. Sandal wood hi kan hmelhriat dan a la mikhual deuh mai thei a, thingrai kan tih nen a inang lo tih hriat a tha.

Hetiang thing hi kan hriat theih awlsam dan deuh chu tun hma South Indian mi Verapana sum siamna ber thing man to leh rimtui lkan tih ang kha a ni.

Sandal wood hi kum 10-12 inkarah 18-24 inch a tlinin kum khat Rs. Nuai 7 man vel a ni a thei a, Acre khat tin 2 1/2 hmunah feet 10 dana phunin kung 250-300 thawl tha takin a phun theih a, chumi kung puitling chu nuai 750/- nuai sarihsawmnga, net profit (economy feasibility)-a chhut a ni. Kung khat hi 50-60 kg thleng theiin Rs. 6000-10000 per kgs rate a ni. A tiak khat hi Rs. 150/- in Aizawlah pek theih.

A phun hun atana tha ber chu July- Sept thla hi a niin, temperature 5-50 degree celcius leh soil Ph. 6-8.5. Kan Zoram leilung leh sik leh sa angah hian a phun theih

Inter Crop atan theihai, kawlthei, sunhlu, pomefgranate te a kung karah a phun theih bawk a, sandal wood hian carbon reduction thawkin oxygen pechhuaktu a ni bawk a, eco environment siam that hna a thawk tha hle bawk si. Legal aspect lam hi hriatzau nan ka han tarlang thuak e.

India rama heng state – Karnataka, Tamil Nadu, Andra Pradesh, Madhya Pradesh, Gujarat, Telengana-ah te hian Commercial Plantation anga kalpui mek a ni a, an State Planter te dawmkan deuh deuhna turin ruahhmanna a siam mek zel zawk a ni. Tin, NABARD hian Financiaal Componant a nei tel bawkin Loan, Financial Assistance an pe thei bawk.

Awle, kan ram leilung leh sik leh sa mil, market tha leh hlawk bawk si Sandalwood hi kan kut hnathawktute hian phun ila, chumi tur atan chuan kan sorkar leh political party hrang hrangte pawh hian Manifesto-a Economic Development Policy-ah neiin Project pakhatah hmalak dan turte ngaihtuah tel theih se, tiin rawtna kan siam ve phawng a ni e.

NB: Kan ramah pawh mi mal phun tan an awm nual tawh.
Agro technology of cultivation of sandal wood
Soil+ Variety PH. ranging to 6-8.5
Temperature+ 5-50 degree celcius
Maturity= 18 to 20 inch ( Harvesting )
Time= 10-12 years ie.= 50-60 kg @ 6000 per kgs
Intercrops= Mango, Guava, Pomegranate
250 trees = 1 Acre

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?