Lalu kum 3 leh 1/2 tang dawn

Aizawl: Rashtriya Janata Dal (RJD) chief leh Bihar Chief Minister hlui Lalu Prasad Yadav chu ran chaw man eirukna case-ah Ranchi Special CBI court chuan nimin tlai dar 4 leh a chanve khan kum 3 leh a chanve lungin tang tur leh pawisa Rs nuai 5 chawi turin a chungthu a rel.Aizawl: Rashtriya Janata Dal (RJD) chief leh Bihar Chief Minister hlui Lalu Prasad Yadav chu ran chaw man eirukna case-ah Ranchi Special CBI court chuan nimin tlai dar 4 leh a chanve khan kum 3 leh a chanve lungin tang tur leh pawisa Rs nuai 5 chawi turin a chungthu a rel.

Court thutlukna hi phek 24-a chhah niin Judge Shiv Pal Singh-a’n a hming a ziah hnan a, court thutlukna hi video conference hmanga puan a ni.

Zirtawpni khan Lalu-a hian a hrisel lohna chhuanlamin hremna hi tinep deuh turin ngenna a lo siam tawh a, “Direct takin he case-ah hian inhnamhnawihna ka nei lo, ka upatna leh ka hriselna lam ngaihtuahin hremna nep thei ang ber min ngaihtuahsak rawh u,” tiin a sawi a. A ukil Chitaranjan Sinha pawhin Lalu-a hian hriselna lamah harsatna a ngah thu a lo puang tawh bawk.

CBI court hian December 23, 2017 khan Lalu Prasad bakah midang 15 chu thiam loh a lo chantir tawh a. Eiruknaa inhnamhnawiha puh mi  paruk, Bihar Chief Minister hlui Jagannath Mishra telin court chuan thiam a chantir tawh bawk. IPC hnuaia ‘cheating with criminal conspiracy’ bakah Prevention of Corruption Act tlawhchhanin Lalua hi thiamloh chantir a ni.

Lalu-a fapa Tejaswi Yadav leh Lalu-a ukil Chitaranjan Sinha chuan court thutlukna chu zirchiangin High Court-ah an kalpui leh tur thu leh bail an dil dawn thu a sawi a. JD (U) hruaitu Jagdish Sharma pawh he eirukna thubuaiah hian kum 7 tang tur leh Rs nuai 10 chawi tura hrem a ni bawk.

Bihar CM hlui Lalu Prasad hi 1980 leh 90 chho-a ranchaw leina kawnga eirukna (fodder scam), Bihar state sum Rs vaibelchhe 900 bona case-a a inhnamhnawih avanga thiam loh chantir a ni a. Kum 1990-94, CM a nih laia Deogarh Treasury a\anga Rs nuai 89.27 hu fund dan lova lak chhuahna bikah thiam loh chantir a ni.

Lalu-a hi 2013 khan fodder scam hnuaiah tho hian Chaibasa treasury atanga fund Rs vaibelchhe 33.61 dan loa lakchhuahna kaihhnawihah kum 5 lungin tang tura hrem a lo ni tawh bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?