Lay Leader’s Training khar

Aizawl; Synod Multipurpose Training Centre (SMTC)-in a buatsaih, Kohhran hruaitute tana Lay Leaders Training Vawi 196-na chu Ningani khan SMTC Lecture Hall-ah kharna hun hman a ni.

Training hi Thawhtanni atanga Zirtawpni thleng khan neih a ni a. Ninganiah a kharna inkhawm hi hman a ni thung a. Inkhawm hi Rev. Vansawma, Programme Director, SMTC-in a kaihruai ang a, Rev. P.C. Pachhunga, Executive Secretary-in thuchah sawiin training chhuakte hnenah Certificate a sem a, training-te aiawha thusawi tawi leh lawmthu sawina hun hman a ni bawk.

He training-ah hian Tlawng, Tuichang, Tuichangral South, Tuipuiral, Tuivawl, Aizawl Chhim Presbytery leh Phai Synod atangin Kohhran Upa 42 an tel thei a ni.

Synod Multipurpose Training Centre-ah hian Lay Leaders’ Training hi kum 1996 atangin neih tan a ni a. SMTC hmunah tum 160 leh hmun dangah tum 35 training neih tawhah Kohhran Upa 6233 training an awm tawh a. Kohhran Upa training-ah hian Kohhran kaihhruaina leh chawmna chi hrang hrang zir thin a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?