Lo neitu loan-ah pawh adhaar link vek ngai tawh

Aizawl: Lo neituten Interest Subvention Scheme hnuaia a pung tlem chi thlai loan (crop loan) an laktheihna tur chuan an bank account Aadhaar nen an thlunzawm ngei ngei a ngai tawh niin Reserve Bank of India chuan thuchhuah a siam a, State Bank of India hotute pawhin hman nghal tur a nih thu Zalen an hrilh.

State Bank of India hotute chuan he ham\hatna hi lo neitute tan a tha em em tih sawiin hmang tangkai tan chuan a pung a tlem avangin phurrit a ni lo niin an sawi a. He hamthatna nei tur hian Aadhaar an neih a ngai tawh dawn a, Aadhaar mai ni lovin an bank account nen an thlunzawm ngei ngei a ngai dawn niin an sawi a ni. RBI Aizawl Office hotute chuan he scheme vanga Aadhaar thlunzawm chu lo neitute tan a that thu sawiin scheme avang hian thlunzawm lo mah se bank account zawng zawng December 31, 2017 hmaa thlunzawm a ngaih tho thu leh lo thlunzawm lawk chu an tan a tangkai thu Zalen an hrilh.

SBI hotute chuan loan pung tlem chu a hma atanga kalphung pangngai a nih thu sawiin tuna Interest Subvention Scheme hnuaiah hi chuan 4% a nih dawn avangin a that thu sawiin lo neitute chu loan rul tha lo an tam tih sawiin tangkai taka hman atana a that thu an sawi a. SBI chuan Rs 100,000 hnuai lamah he hamthatna hi Aadhaar leh bank account thlunzawm tawh lo neitute tan hman theih a nih thu an sawi a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?