March 2018-ah ODF state tum; District 6 ODF-ah puang

Aizawl: Mizoram district 8 zinga district 6 chu pawna inthiar awm lohna (open defecation free)-ah puan a ni tawh a. Mizoram pum pui chu March 2018-ah chuan open defecation free state-ah puan hman tum a ni.Aizawl: Mizoram district 8 zinga district 6 chu pawna inthiar awm lohna (open defecation free)-ah puan a ni tawh a. Mizoram pum pui chu March 2018-ah chuan open defecation free state-ah puan hman tum a ni.

Public Health Engineering department thawktute hnen atanga Zalen thudawn danin an hmalakna chinah Lunglei leh Lawngtlai tih loh district dang Champhai, Aizawl, Kolasib, Serchhip, Mamit leh Siaha district te chu ODF-ah hian puan an ni tawh tih an sawi a. “ODF tur hian ekin nei vek lam ni lovin pawn/daia inthiar awm lohna tih a kawk a, mi dang ek in an hmantawm a nih pawhin pawna inthiar an nih loh avangin ODF-ah pawm an ni,” tiin Zalen an hrilh bawk.

PHE thawktute chuan ODF a inpuang te hi Block level, district level leh state level a endik thin an ni tih an sawi. ODF nih hlawkna sawiin PHE thawktute chuan, “ODF-a puan a nih loh chuan hamthatna chi hrang hrang sawrkar laipuiin a siamte an hman theih tawh dawn loh bakah mipuite an hrisel sawt dawn a, tlang hrileng hrang hrang kawthalo, santen leh thil dang pawh a ziaawm phah ang a. World bank atang pawhin hmasawnna hna thawhna tur sum hmuh theih a beiseiawm a ni,” an ti. PHE department-in kum 2012-a baseline survey an neihah chuan thingtlangah ek in nei tha lo chhungkua 30067 an awm mek. Mizoram district 8 zingah Champhai district chu ODF a inpuang hmasa ber a ni.

India ramah Sikkim chu pawna inthiar awm lohna (open defecation free) state hmasa ber a ni a, Kerela leh Himachal Pradesh ten dawtin tun dinhmuna ODF-a inpuang state-te chu a chunga tarlante bakah Uttarakhand, Haryana, Gujarat, Kerela, Chhattisgarh leh Arunachal Pradesh te an ni.

Prime Minister Narendra Modi chuan October 2, 2014 khan India hnampa Mahatma Gandhi piancham vawi 148-na denchhenin Swachh Bharat Abhiyan chu a hawng a, October 2, 2019-ah chuan India ram chu pawna inthiar awm lohna ram ni turin tanlak a nih tur thu a sawi a ni. Swachh Bharat Mission hnuaiah hian October 2, 2014 atangin ek in 58645703 siam a ni tawh a, khaw 305593 chu ODF-ah puan a ni tawh a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?