Mawitei Ralte ‘comeback’ video tur — Nghilhni I Awm Lo

Mawitei Ralte pawhin ‘comeback’ video a rawn nei hnai e. Kumin hian a single music video thar pahnih vel kan la hmuh belh mai thei bawk.

The Chosen vocalist thin Mawitei Ralte hian band anga chawlh an hman laiin, single music video a nei zauh zauh a. Mahse, tunhnaiah a track thar hmuh tur a vang hle a, rimawi khawvel atangin sumdawnna lamah a rilru a sawrbing deuh zawk pawh a ang hle. Hun rei tak music video thar a neih tawh loh hnuah, pakhat chu a rawn release thuai dawn a nih hmel.

Mawitei Ralte music video thar tur zinga kan hmuh hmasak ber tur erawh fam ngaih hla lam a ni daih dawn a. A hla title chu — Nghilhni I Awm Lo — tih a ni dawn. A hla hi phuahtu hi Faktea Khawlhring leh MPa ralte te an ni a. Faktea phei hi chu Mizo Idol star Lancy hla sak, ‘Mangtha’ tih hla phuahtu a ni nghe nghe.

“Ka cousin in ka pi boral ta hriatrengna’n a phuah a ni a. Mahse, a hla hi nu leh pa chauh ni lo, pi leh pu chan tawhte nena inkungkaih vek thei turah ka ngai,” tiin Mawitei chuan a sawi a, “A music video hi a chhuah hun tur chu rang thei ang ber ka duh a, shooting kan zo tawh a ni,” a ti bawk.

‘Nghilhni I Awm Lo’ music video hi Siama Video Production (SVP) kutchhuak tur a ni.

Mawite hian kumin hian music video pahnih dang siam a la tum a. Recording zawh fel tawh, shooting neih mai tur track pawh a nei khiau tawh a ni.

“Tuna mi hi han chhuak se, Pathianin rem a tih chuan a dawt pawh tih leh vat theih ka inbeisei,” tiin Mawitei chuan a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?