Meizial bung

– Lallunghnema
Charity Lodge

Tuk khat chu, Inrinni tuk ngei maiah hian ka nupui bazar puiin Mizorama Bazar lian ber sobji Bazarah ka kal ve a. Ka nupuiin second hand jacket cheng sawmnga man, a tlawm em avangin lei a duh thu min hrilh a. Chu jacket lei tur chuan a kir leh ta a. Ani, ka nupui chu dawr pakhat kawtah, kawngpui peng\huam takah chuan ka lo nghak a ni.

Dawrkai pa upa lam tawh fel hmelpu tak chuan a bungrua te chu a lo chhep \ha mawi vel mawlh mawlh a, a tifai pah bawk a. Plastic chair, a tê chi, puitling \hut ve theihna tur tho chi hi a a lo hung \euh mai a. Tichuan, chair tam tak bulah chuan dingin a mante chu ka han zawt vel a. |hutna atana an hman \hin niawm tak, plastic chair pakhat hi, \hut nana hman nghal theih mai tur a awm a. A bul, chair bulah chuan ka ding reng a; kan titi a; \hu rawh, min tih a tum lem lova, ‘\hu rawh’ ti sela chuan ka \hu ngei ang. Ka piah lawkah Traffic Police hleitling \ha tak hi a awm bawk a. Ani, Traffic Police chu motor kal vel buaipuiin a hmanhlel hle a. Hetih hunlai hi dar 8 AM vel a ni tawh mahna, khua pawh a la vawt a. Mi pawh an la tlem viau.

Tin, pa pakhat, hang lam deuh hi a lo kal a; meizial, silkcut a nih ka ring; a zu khur vat vat mai a. a bul hnaia kan din reng lai chuan a meizuk chu duhtawk ngah tih hriat takin kawng sirah chuan a nung chungin a paih let tawp mai a. Meizial bung kha nunna nei, na nei ni se, awrawl chhuah thei ni ta bawk se, a \e nasa ngawt ang tih ka ring. Chupa chuan a enzui tawh lo, meizial nung lai khu vung vung a paih chuan enge a nghawng ang tih a ngaihtuah pha lo. Chu meizial khu laih laih chu ka en liam thei ta hauh lo mai. Tlawm leh zah pawh dawn lovin ka ke mawi lem lo tak chu lek chhuakin ka kar tau mai a; meizial chu ka va rap hlum a, ti \ha min ti tak maw?

Tuna ka sawi ang hi ka tawng \hin a, ka hmu fo mai. Mizopa, fel awm pui pui meizial a nung chunga paih mai mai an la tam hle. Hei hi ka vei a ni; min veipui rawh u. Aizawl leh hmun hrang hrangah zuk leh hmuamin mipui a tihbuai an tam hle. Mahse, hetih laiin zuk leh hmuam chu incheina leh rualpawl nana hmang an tam em em bawk. Khawlaia meizu khu vut vut pawh hmuh tur kan la awm zel.

Mizoramah hian hnamdang mi, vaiho kan tih hi a sing tel an awm mek a, anni zingah hian meizial bung, a nung chunga paih emaw, a thi tawh paih mai mai hmuh tur an vang hle. Mi hawi zim tih takah kei ve hian ka hmuh pawh ka la hre lo. Hetih mek laia meizial bung hmun tin maia hmuh tur a awm rem rum ta mai \hin hi a vei awm tlat a ni. Mi \henkhat tuna ka sawi mek hi tenau deuh an ti mai thei. Mahse, kei chuan tê ka ti lova, nep pawh ka ti hek lo. Kan mizia tilangtu pakhat a ni, kan darthlalang a ni. Bawlhhlawh kan ngaih theih ziate, fai kan tih a inan lohzia te, thianghlimna kan hmelhriat dante hi a la hniam tlangpui a ni. Kan nulaho tuibur hmuam nasa lutuk te, sahdah leh khaini heh lutuk, hmuam mai pawh duhtawk lova, a bara bar \hin ho hian an taksaah hling mai ni lovin thihna tûr an lem tel tih reng an hre silo. Sawi leh sawi hnu, tunlaia hmasawnna chi tinreng, kan titi nasat em em digital, computer, cashless, socio-economics tihte, an thawmhnaw rawng duh zawng, colour ti ta mai lova, theme kan tih takna Zonun changkangah hian tuibur, sahdah leh khaini te hian hmun lailum a la chang zelte hi a va rapthlak em !
Kei ve hi, nitin deuhthaw zawlkhawpui pisa hrang hrang tlawha suar tluan \hin ka ni. Thingpui dawrah emaw pisaah emaw puipunna hmun tam takah Mizo hmeichhia hmel\ha leh duhawm tak tak, zuk leh hmuam inthlahdah tak tak hmuh tur an awm a. Ka hmu hnem \hin khawp mai bawk. Kan nula te hi han en thuak chuan, tuipuiral ram ata lo kal hi an ang a, an hmelhmai leh an bahsamte chu a mawiin a nalh satliah lo hle. Sap lam khawpui kawtthler a seilian niawm tak an ni. An inthuamna silhfente, an pheikhawkte chu khawi hmunah mah zahawm lo Zo lanu an ni! Hetiang mi, nalh leh mawi \ha famkima inthuamte hmel kan hmuh hian rilru a hahdam a, chawlhna luikama \hu ang maiin hah a dam sawng sawng \hin a ni. “Ani hi chu a nalh a nia, a chhuanawm khawp mai,” kan ti \hin.

Mahse, tunah hian chung kan lawmnate chuan rei an daih thei hauh lo. Zuk leh hmuam doralin dimna tel miah lovin kan nula leh tleirawlte a han run ta tak tak a. Nasa takin an kimtlang te chu a tichhe \an ta ! Hetianga an hahmai hliam tuar ho kan tih lai hian kan \hiante hian tihchhiat an nih chu pawm har an ti tlat ! Tuibur hian hâ a tinghet a, ha ngêt tan a \ha, ka pilh tan a \ha. Tuibur hmuam dak tawh hi lem vek ila, pum tan a \ha tihte chu an inhnemna leh an inthlamuanna a ni.

Zawhna: ‘Engatinge Mami, tuibur i hmuam ve ngawt ? I hmel nen pawh a inhmeh lo. I hmel a \ha si a, hetianga sahdah leh khaini, tuibur te hian hmel\hatna an tichhe vek dawn alawm.”

Chhanna: Ih maw, ka pu, ka hmuamna pawh a la rei lo. Thla thum kalta a\ang mai chauh khan a ni ka hmuam ve ngawt ni. |hian ten an ti a, ka ti ve mai a ni. Ka bansan thuai ang. Kei pawhin hrehawm ka ti.

Kei chuan: Mami, bansan ve thuai rawh, Pathianin hmel pangngai tak, \ha tak a pe che a. Tuibur mai maiin tichhe reng reng suh. I uihawm lutuk. I la naupang si, ka ti.

Hetiang vel hi a ni a, ka vah velna hmun hrang hrangah hmeichhe zingah tuibur hmuam ka hmu nasa em em a, nu engemaw zat chu ka hmelhriat an ni emaw nilo emaw ka zilhhau ve leh ngawt \hin a. Huat thuah an lo la \hin lova, ka lawm em em a ni. Keini ang \awngkam thiam lovin, ‘Mami, tuibur hi hmuam teh suh, a rimchhe si tia hmelhriat ni hauh lote kan han ti ve ngawt \hin hi chu at khat a cheng deuh chuan ka hre \hin. Mahse, ‘mi \hahnemngai ve te,’ ka inti fo.

Sawi tur a va tam em! Ka u, Meizial bung, a nung lai ngei khawlaia paih thu a\anga tuibur leh khaini, sahdah lamah kan thukhawchang kan kai. Khawlai meizial bung paih ringawt \hinho hi Mizo mipa kan ni tlangpui. A mawi lohzia hi kan hriat a \ul ta bawk. Khawlaia meizu kan tlem ta deuh, kan tih rual hian meizial bung paih mai mai loh, a bawma dah mai hi, intihhmuh atan a \ha a ni. Faina leh thianghlimna te hi kan sawi a, bawlhhlawh phiah a, paihna tura paih hi taima hna a ni kan ti \hin. Building \ha, a chhung sapram in, motor changkang tak tak leh tuibur te hi a inhmeh mawlh lo. Chutiangin tuihawk luankawr \awp tak leh concrete building leh car nalh hi huang khata dah \alh a rem lo.

Meizial bung paih ringawt mi, Pathian thuawih a inrem thei lo. Tuibur rimchhe tak leh Biakin a inhmeh lo bawk. Thil \ha sawi a, rimchhe inbawm tir hi hringnun timawihtu a ni. I meizial bung kha tithi la, bawlhhlawh bawmah paih rawh. Khawlaiah paih tawh suh.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?