Mimi Renthlei : Baby no. 1 beisei

Kum ruk (6) tehmeuh mai an inneih hnuah, singer Mimi Renthlei leh a pasal, Mark Lalthanliana te nupa chuan an fa hmasa ber tur an beisei ve ta. Kum ruk (6) tehmeuh mai an inneih hnuah, singer Mimi Renthlei leh a pasal, Mark Lalthanliana te nupa chuan an fa hmasa ber tur an beisei ve ta.  Khawthlang mi lar thenkhat ang chu nise an social media account kaltlangin chanchin duhawm an neih hi an rawn ‘share’ thuai thuai mai thei. Mahse, mihring kan thuhmun vek lo ang bawkin celebrity zinga an thup theih chin chinah ‘privacy’ ngai pawimawh hi an awm tam ve tho a. Chutiang bawkin Mimi Renthlei leh Mark Lalthanliana te pawhin chanchin duhawm tak an neih hi an la sawi chhuak tam lo hle.

Thalai Khawvel in thu a dawn dan chuan, Mimi Renthlei hian thla 4 bawr vel fa a pai mek niin an sawi.

Mimi Renthlei hi a thianpa, a album hnuhnung bera track pakhatah an duet, C. Sanga vuina inkhawmah pawh khan hmuh a ni; mahse, hemi tum pawh hian a pum a la puar vak lo a, nau a pai tih pawh hre lawk sa lo tan chuan rinhlelh ngaihna pawh a awm lo.
Mimi leh Mark-a te hi hun eng emaw chen an inngaih-zawn hnuah, May ni 6, 2011 khan Mission Veng Biak Inpuiah, chawhnu dar 1:30 khan an inkutsuih a, chawhnu dar 2:30 ah Pi Zaii Hall, Synod Conference Centre-ah Joint Reception an nei zui a nih kha.

Hman deuha Lunglen magazine-in Mimi Renthlei an interview tumin, mi beisei aia fa an neih lawk loh avanga a nazawng-in zawhna ho mai mai leh, thurawn holam tak tak an pek thin thu sawiin, an nupa tana rilru hnual rawih thei tur khawpin mi thenkhatin fiam an ching niin a lo sawi tawh nghe nghe.

Mimi Renthlei hian a debut album — Lunglen — tia title a vuah chu Vana pa Hall-ah June ni 8, 2007 khan a release a. A hunlaia album hlawhtling pawl a tling phak a. Album sales pawh a nei tha hle.

Hun rei tak album lam hawi hlei thei loa a awm hnuin, Rebecca Saimawii thutthleng luah-in Mizo Idol judge a ni a. Hemi hnuah a album pahnih tur buaipui chho velehin, October ni 11, 2016 zanah sawm bik mi tlemte hmaah Floria Glamour Banquet Hall-ah K. Sapdanga’n a tlangzarh a. A album title chu — Run Rem Ang Aw — tih a ni. He album-ah hian hla 13 zet a awm a, music video siam loin, audio vekin album track a dah a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?