Minister hovin AIDS sawihoMinister hovin AIDS sawiho

Aizawl;?Mizoram Presbyterian Kohhran hnuaia thalai pawl, Kristian Thalai Pawl intawhkhawmna lian ber, General Conference Vawi 57-na chu Ningani zan atang hian West Phailengah hman tan a ni dawn a, Pathianni zan thleng a awh ang.

Kumin General Conference-ah hian thupui chu ‘Isua Chhinchhiahna Put’ (Gal. 6:17) a ni a, Rev. Vanlalzuata chuan a sawi \hin dawn a ni.

Ningani hi palai thlen kim ni a ni a, zan lamah palai lawmna inkhawm a awm ang a, he hunah hian Finance leh General Secretary report ngaihthlak a ni bawk ang.

A tuk zingah kum 2018-2020 chhunga Central KTP hruaitu turte thlan an ni dawn a, hruaitu tur hi Aizawl khawpui chhunga Bial tin atang thlan chhuah tur chhawp chhuah an ni a, a hmunah heng mite hi puan chhuah an ni dawn a ni.

Synod Executive Committee chuan Leader leh Gen. Secretary a ruat tawh a. Leader atan Rev. Dr. K.Lallawmzuala, Lecturer, ATC chu ruatin Gen. Secretary atan Pu Rochungnung, Synod Co-ordinator chu a ruat a. OB post dang chu rorel palaiten an thlan chhuah atang an insiam rem dawn a ni.

Inrinniah West Phaileng Chhim Veng Biak Inah Rorel Inkhawm a awm dawn a, hetih chhung hian rorel palai ni lo zawngten pandal-ah variety programme an lo hmang thung ang.

Conference-ah hian Inrinni zan atang Speaker chuan thupui a sawi tan ang a, Pathianni chawhma leh chawhnuah a sawi leh ang a, Pathianni zanah erawh chuan Leader tanglaiin thuchah a sawi thung dawn a ni.

West Phaileng hi KTP General Conference thleng tur hian an inbuatsaih nasa hle a, pandal pawh mi 12000 vel leng turin an sa a. Zo fel thawkhat tawhin Thawhlehni zan khan a hlanna inkhawm pawh an hmang tawh a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?