Minister K.S. Thanga hovin lo zo

 

Aizawl: Lo neitu chhungkaw 35-te enkawl Leipan Zau leh Tawngbawk Zau, Sialsuk-ah Zirtawpni khan Agriculture Minister KS Thanga hovin lo Zawh a ni.

Kut hnathawktu te tan chuan lo zawh ni hi ni pawimawh tak, ni hlimawm anih thu khuallian KS Thanga chuan sawiin ama tan tak pawh Agriculture Minister a nih pumhlum kum khatna  a lo nih zui ve leh zel avanga lawmawm a tih thu a sawi a. Lo vah lai atanga  kan chaw ei dawhkan  lo thleng tura  buh chin dan  indawt step  hautakzia leh hlawhtlin hnua a hlimawm dante sawi fiahin, “Ei leh bar hi khawvel  ram changkang te chuan an ngai pawimawh a. Buh leh thlaite hi kan siam theih a nih loh  avangin kan zah tur a ni a, paih mai mai tur a ni lo tiin inrenchemte hi kawm vang a ni lo va, hisap  taka inrelbawlte hi zirin tihthanah neih a tul a ni,” a ti.

Agriculture Joint Director Zothansangi pawhin thu sawiin, “Leilet atang ringawt chuan ei leh barah a in daih theih loh avangin tlang ram lo neih hmanga ei hmuh a ngai a ni,” tiin lo neitute chu buh tam tak  thar chhuak ngei turin duhsakna a hlan bawk a ni.

Leipan/Tawngbawk Zau hi 15 Ha vela zau niin buh tin 38.5 vel tuh ani a. Rs. 1,02,200 vel thlai thar atanga sum hmu tawh anga chhut a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?