Miss Zofa International 2018 atan R. Lalhmangaihpuii

Miss Zofa International 2018 chu neih zawh a ni ta. R. Lalhmangaihpuii, Zobawk, Lunglei chu thlan a ni a. Lawmman sum fai cheng nuai 3 leh Hyundai car a dawng a. Lunglei nula hi round hmasa lamah Miss Personality atan thlan a lo ni tawh bawk. Miss Zofa International 2018 chu neih zawh a ni ta. R. Lalhmangaihpuii, Zobawk, Lunglei chu thlan a ni a. Lawmman sum fai cheng nuai 3 leh Hyundai car a dawng a. Lunglei nula hi round hmasa lamah Miss Personality atan thlan a lo ni tawh bawk.

Zirtawpni tlaia Mizoram University (MZU) Auditorium-ah Grand Finale neih a ni a. Mizoram Chief Minsiter Lal Thanhawla chu khuallian niin, Mizoram first lady Lal Riliani pawhin Miss Zofa International hnenah lawmman Hyundai car a hlan.

R. Lalhmangaihpuii hi kum 2015 khan Shillong Women’s College Miss atan thlan a lo ni tawh nghe nghe.

Grand Finale-ah hian a tir lamah Zofa Miss International 2018 top 10 thlanna neih a ni a — Rocy Niangbiakmawi (Manipur), Roluahpuii Hrahsel (Bangladesh), Roseleen Lalnundawngi (Shillong, Lalramhlui Sailo (Aizawl District), Julie S. Rothangpuii (Rulkual, Lawngtlai District), Melody Hmar (Barak Valley), Zomuankimi Sailo (Aizawl District), R. Lalhmangaihpuii (Zobawk, Lunglei District), Panieli Darlong (Tripura), J. Vanlalhlani (Lunglei District)-te thlan an ni.

Top 10 atana thlan chhuah te hian zawhna inang ziakin an chhang a, chumi atang chuan Top 5 — R. Lalhmangaihpuii, Julie S. Rothangpuii, Roseleen Lalnundawngi, Rocy Niangbiakmawi leh Zomuankimi, Aizawl — te thlan an ni a. He’ng mi panga (5) thlan chhuah te hian zawhna zawttu tur judge an pawt a, judge-te’n zawhna an zawh chu stage atanga chhangin, heta tang hian Miss Zofa International 2018 tur thlanna neih leh a ni a.

R. Lalhmangaihpuii chuan Miss Zofa International 2018 atana thlan niin lawmmanah cheng nuai thum leh car thar a dawng a, Aizawl District atanga inlan Zomuankimi chu pahnihna niin lawmanah sum fai cheng nuai khat sing nga a dawng a, pathumna chu Manipur nula Rocy Niangbiakmawi a ni a, sum fai cheng nuai khat a dawng a, palina chu Shillong atanga contestant Roseleen Lalnundawngi a ni a, sum fai cheng sing nga dawngin, pangana chu Lawngtlai district atanga tel Julie S. Rothangpuii a ni a, sum fai cheng sing thum a dawng ve thung.

Miss Zofa International 2018 ah hian sub-title pariat (8) siam a ni a. Best Costume – B Lalthuthlungthari Sangau, Best Gown – J. Vanlalhlani, Miss Perfect – Panieli Darlong, Miss Conginiality – Roselyn Nivarmawi Khawzawl, Miss Photogenic – Madeleine NC Lalrinawmi, Miss Personality – R. Lalhmangaihpuii, Miss Multimedia – Rocy Niangbiakmawi, Miss Talented – Rebecca Neihsial Vaiphei — te thlan an ni a. He sub-title thlan chhuahte hian sum fai cheng sing hnih theuh an dawng bawk.

Zofate inpumkhatna thupuia hmanga contest buatsaihah hian Mizoram bakah — Bangladesh, Myanmar, Tripura, Meghalaya, Assam leh Tripura atangin contestant 24 an tel a ni. April 18, 2018 khan intihsiakna hi neih tan a nih hnuah, April ni 27, 2018 zan khan neih zawh a ni.

Grand Finale ah hian contestant te an inlan hmain Zofa Miss International 2018 Chief Organiser C. Dinthanga chuan inlawmna thu a sawi a, khuallian Lal Thanhawla pawhin thusawina a nei a, khualzahawm Lalrinchhana, Tahan pawhin thu sawina a nei bawk.

Sub-titles
Best Costume – B Lalthuthlungthari Sangau, Lawngtlai
Best Gown – J. Vanlalhlani, Lunglei
Miss Perfect – Panieli Darlong, Tripura
Miss Conginiality – Roselyn Nivarmawi Khawzawl, Haflong
Miss Photogenic – Madeleine NC Lalrinawmi, Tipa, Siaha
Miss Personality – R.Lalhmangaihpuii, Zobawk, Lunglei
Miss Multimedia – Rocy Niangbiakmawi, Manipur
Miss Talented – Rebecca Neihsial Vaiphei, Shillong
(Subtitle dawngte hian Rs 20000 theuh lawmman an dawng)

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?