Missionary Retreat

Aizawl; Mizoram Synod hnuaia India hmarchhak huam chhunga missionary-a thawkte tana intuaitharna, Missionary Retreat for Northeast Region chu Ningani zan atang khan Ramthar Veng Kohhran Biak Inah neih mek a ni a, zanin hian a tiak ang.

Retreat-ah hian thupuiah ‘Hlau suh la, zam hek suh’ (Josua 1:9) chu hman a ni a. Chhunah paper zirho leh rawngbawl zelna tur atana thil pawimawh hrang hrangte zirpui an ni a. Paper hi Rev. Dr. Lawmsanga, ATC leh Rev. Dr. L.H.Rawsea, ATC te ziah an zir a ni.

Zan lamah Vantlang Pathian Biak inkhawm neih thin a ni a, vawiin chawhma hian Synod Mission Board Secretary Rev. K.Lalrinmawia’n thuchah a sawi ang a, chawhnuah Rev. TC.Laltlanzova, BEC Member-in a sawi ang a, Missionary, Chatuan Ram pante sunna hun hman a ni bawk ang.

Zanah Rev. B. Sangthanga, Executive Secretary-in Pathian thuchah a sawi ang. Inkhawm bân apiangin zaikhawm neih thin a ni bawk ang.

Tun dinhmunah hian Synod Mission Board hnuaiah thawktu nghet mi 634 an awm a, Contract 1202, Field Worker 864, an vaiin thawktu 2700 an awm mek a ni.

SMB hian missionary retreat hi thuang thum – India ram lailia thawk, hmarchhak leh Mizoram chhunga thawkte pualin a buatsaih thin a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?