Mizoram Inthlanpui 2018 kan boruak tawn mek hi

Mizoram Inthlanpui 2018 chu a hnai ta hle mai a, ni 10 vel awrhin a dang tawh a ni. Political party te pawhin an manifesto te tichhuakin an tlangaupui mek a, campaign a ngawrh hun lai ber a ni chho mek a ni.

2018 Inthlanpui hi a boruak a danglam hle a, tum dang zawng aiin mipuiin an ngaihven niin a lang a ni.  Tuna sawrkarna chelh mektu Congress chuan kum 10-na a hmang ral tawh dawn a, kum 10 dana inchhawk thin nia ngaiin MNF?lam mei kawhin an tang bawk a.  ZPM lam chuan party pahnih te lakah beisei tur a awm tawh lo niin an sawi thin bawk a. BJP pawhin Mizoram insawhngheh a tum hle a, nasa takin tan a la mek a, tribal te chawi kan tum NPP chu MLA tlem azawng lain chirina karah sawrkarnaa tel an tum bawk a ni. Kum danga party 2 inbei deuh lawng thin chu tun tum hian kil 6 atangin MLA seat inchuh a ni dawn a, mipui tan pawh duhthlan tur a tam tak avangin rilru siam a har duh mahna.

Hetiang hi kan boruak tawn mek a ni a, boruak a tang tih piah lamah hian kan inpuhna thuthang te a chhe sawt hle mai a, eng emaw hlekah a vu nghal hlurh zel mai a, dawt thuleng leh thu tak pawh thliar hran a har thin khawp mai. Sum a leng nasa tih phat rual  a ni lo a, senso pawh a sang buru ngawt ang,  ‘kan candidate chu angaihna hria michak a ni’ tih lam ai mahin party thenkhat chuan ‘ sum a ngah alawm’ an ti ni maiin a hriat theih thin a ni. Tum dang inthlana sawi rik hlawh lem lo te pawh a awm belh ve zel bawk a ni. Tun dinhmun thlir phei chuan 2023 Inthlanpui tur phei chu tawrhlelhawm tak tur a ni ang.

Thenkhat hi chu thil thar ngaihtuah chhuak tawh lo rak satliah mai mai niin an lang ve bawk thin.  Mipui ngaihtuahna hruai khawloha mi dang chhiatna zawng ngat ngat te pawh kan ang tan ta lek lek e. Tum dang zawng aiin mipui lam an fim a ngai a, party ten tihhlawhtlin an tum te hi bengsika ngaihtuah a tul tak zet a. An thil tiam te chu tih theih tak tak a ni em? Kalphung pangngaia zeh luh theih a ni em? Tha viauin lang mah se kan ram mamawh hmasa a ni em? tihte hi mahni phak tawka ngaihtuah leh sawiho thin turte a ni ang.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?