Mizorama test chinah awm lo

Aizawl: June 30, 2018 khan Nagaland-a Pfutsero-ah dan phal loh vawn thatna chemical, formalin-a sawngbawl sangha kg 77 leh gram 400 an man a, hetih lai hian Manipur pawhin sangha thenkhatah formalin hmuh chhuah a nih avangin nimin khan vura vawn sangha lakluh a khap bawk.

Mizoram sorkara Health&Family Welfare hotute chuan tun hnaiah test a la nih ve loh thu leh an test hnuhnun ber nikumah chuan hmuh chhuah a la nih loh thu an sawi.

June 30, 2018 khan Nagaland-a Food Safety official te chuan police, Pfutsero Town Traders Union te leh district sorkar hotute nen Pfutsero bazar chu an check thut a, hetah hian formalina sawngbawl sanghate hi man a ni.

Manipur sorkar chuan sanghaa formalin a awm leh awm loh test-na tur an ngaihtuah mek thu an sawi a, hei hi mipuiten an lei theih hma chu sangha lakluh an khap rih dawn niin an sawi.

Zalen zawhna chhangin Mizoram Health department hotute chuan tun hnaiah complain leh harsatna sawi a awm loh avangin kuminah chuan Mizorama lo lut sangha te an la test lo niin an sawi a. Hetih lai hian test an neih tawhah hi chuan uchuak taka sawngbawl a awm lo tih an sawi.

Formalin hi thil chhiat harna chemical niin mitthi rimchhiat mai lohna tur leh tawih harna atan te pawh hman thin a ni a. India sorkar chuan sangha leh sa dang vawnthatna atana hman chu a khap tlat a ni.11

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?