MLA inthlan atan PRISM an inpeih; Bial 23-27 lak inbeisei

Aizawl: PRISM chuan nakum MLA inthlan atan an party chu a inpeih tih sawiin MLA bial 23 atanga 27 inkar la thei turah an inngai tih an sawi bawk.

Nimin khan PRISM hian an office, Upper Republic ah thuthar lakhawmtute an kawm a, an President Vanlalruata chuan an pawl thiltum ber ni thin eirukna do chu a ti hlawhtlingtu ni lova pressure group a awm reng chu a diklo nia an hriat avangin a taka hna thawktu ah awm an rel ta niin a sawi a. November ni 3,2017 khan special general body meeting neiin political party ah inleh mai an rel nia sawiin an tum ber chu ‘Mizoram siamthat’ a ni tih a sawi.

PRISM chu eng hunah pawh inthlang turin an inpeih nia sawiin MLA bial 40 chuh an tum tih a sawi a. MPF nena thawhhona chu an pawm tih sawiin naktuk Thawhtanni (13.11.2017) hian ‘Thawhhona thuthlung’ ah hming an ziak dawn nia sawiin thuthlunga tihtur leh mawhphurhna inziakte chu 100% a tihhlawhtlin an tum dawn niin a sawi. PRISM President chuan Mizo hnahthlak hlang chauh candidate a vawrhchhuah an tum nia sawiin rorel lai, Congress party chu Chief Minister tiamin khawi bialah pawh knock out thei turah an ingngai niin a sawi bawk.

Press mite zawhna chhangin PRISM hruaitute chuan an President Vanlalruata chu an pawl Chief Minister candidate a ni dawn niin an sawi a. Party dangte nen an thawhho loh chhan chu duh dan leh tumdan inang lo a awm vang niin an sawi bawk. PRISM hian an party hmingah PRISM tih chu an hmang chhunzawm zel dawn a, mahse a lampum chu Peoples Representation of Identity and Status of Mizoram a ni tawh thung ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?